DILI – Partidu Frente Mudansa konsidera lei pensaun vitalisia neebe mak aprova husi primeiru governu konstitusional, iha impaktu boot no injustisa social boot ba povu maubere tomak iha TL.
Deklarasaun nee fo sai husi Membru Komisaun Politika Nasional, Luciano Conceição, liu husi pres konfres neebe mak halo iha pantai Kelapa Kinta (28/01/2016) loro kraik.
Lei pensaun vitalisia neebe mak halo husi primeiru governu konstitusional neebe maioria Fretilin nee iha impaktu boot tebes nomos hanesan injustisa social ba povu maubere tomak iha Timor Leste,” dehan Luciano.
Nia mos hatutan tan katak ba partidu Frente Mudansa laiha tan dalan atu halo kompremisiu ho lei nee tanba Frente Mudansa fo jero toleransia ba lei pensaun vitalisia.
Iha fatin ketak tuir Diretor Organijasaun Non Govermental Asosiasaun HAK, Manuel Monteiro, iha ninia servisu fatin Farol mos hatete lei pensaun vitalisia hanesan korupsaun legal no lei nee rasik seidauk diskute, tanba membru deputadu iha PN hakarak asegura uluk pozisaun duke intrese povu nian. Informasaun kompletu iha STL jornal no STL Web, edisaun Sabado (30/1/2016). Thomas Sanches
Suara Timor Lorosae