DILI – Rekomendasaun relatoriu Tribunal de Kontal ba konta Jeral Estadu 2014 konsege identifika implementasaun tender balun, neebe maka deskonfia balun la tuir lei aprovizionamentu.
Bazea ba Ajenda neebe maka iha komisaun C Parlamentu Nasional (PN), Deputadu sira halo audensia publika ho lina Ministerias neebe maka hetan rekomendasaun husi Tribunal de Kontas, Kinta (28/01/2016) komisaun C kontinua halao Audensia Publika ho Ministeriu Obras Publiku.
Tuir Vice Prezidente Parlamentu Nasional (PN) Aderito Hugo katak Parlamentu halo audensia Konta Jeral Estadu neebe mak tribunal de kontas halo, normalmente diskusaun nee halao iha Dezembru antes debate orsamentu 2016 nian, maibe submisaun nee tardi.
Rekomendasaun tribunal de kontas iha kestaun administrativa,kestaun disiplina ba ejekusaun orsamentu, iha komisaun C tribunal hato katak iha implementasaun tender 2014 ba iha kazu balun neebe la bazea ba lei Aprovizionamentu ninian,” dehan Hugo ba STL, Kinta (28/01/2016) iha PN.
Hugo hatete kada tinan tribunal sempre halo relatoriu konta Auditadas neebe mak Tribunal de Kontas halo, wainhira Timor Leste espelebe Tribunal de Kontas sira halo kedas auditoria ba konta zeral estadu nian.
Nunee mos Prezidente Komisaun C Asuntu Finansas Publika Virgilio Marcal katak Komisaun C halo audensia Publika ho Ministeriu sira konaba Konta Jeral estadu 2014, neebe hetan rekomendasaun husi Tribunal de Kontas.
Iha fatin hanesan Vice Ministru Obras Publiku no Transporte Telekomonikasaun Inacio Moreira hatete audensia publika neebe maka halao nudar prosesu normal neebe governu ho parlamentu halao. Informasaun kompletu iha STL jornal no STL Web, edisaun Sesta (29/1/2016). Timotio Gusmao
Suara Timor Lorosae