Liurai-mane timoroan Mau Pelo, responsável hodi rai iha Timor-Leste bandeira ida hosi monarkia portugés nian hosi reinadu D. Maria I nian iha sékulu XIX, mate ona iha findesemana liubá, konfirma hosi família ida ba Lusa.
Mau Pelo transforma ona bandeira ba relíkia evokativu ida hosi memória sira Portugal nian, hanesan ho dokumentu istóriku oioin, ne'ebé nia subar ona hosi okupante indonéziu sira.
Hakohi tiha ona besik iha nia uma iha Hatumatei, iha suku ki'ik hosi Estado, iha munisípiu Ermera, iha sudueste Díli nian no, la hanesan ho buat ne'ebé maka ema hanoin, nia funerál laiha serimónia tradisionál sira tanba, tuir fonte hanesan, Mau Pelo simu sarani iha loron 02 Novembru liubá.
Fiar ba bandeira Portugal nian, monarkia no mós republikanu, hanesan lasu ida ne'ebé dalabarak selebra hosi reinu timoroan sira ne'ebé, dalabarak, ohin loron konsidera hanesan la komprensivel, ema ladún interpreta ho di'ak.
Tuir Lia Na'in sira, "aman-inan" hosi oralidade istóriku no hosi ligasaun timoroan nian ba nia pasadu, katak bandeira sira hatudu aliansa istóriku sira, dalabarak konfirma ho paktu raan nian ne'ebé metin.
SAPO TL ho Lusa