DILI - Primeiru Ministru (PM) Rui Maria de Araujo fo tomada depose ba Komisariu Homenazen Supervisaun Registu no Rekursu (KHSRR) nain 8, hodi kontinua halao verifikasaun ba dadus Veteranus iha Timor laran tomak.
PM Rui fo pose ba Komisariu Homenazen Supervisaun Registu no Rekursu nain 8, hanesan Napoleon da Costa, Agusto Borges, Adao da Silva Rodrigues, Cezar dos Santos da Silva, Domingos Soares Rangel, Alfredo Sipriano Amaral, Fransisco Doutel Sarmento ho Grigorio saldanha.
Tamba nee hau ho laran solok tebes ohin fo tomada depose ba membrus foun, Komisariu Homenazen Supervisaun Rezistu no Rekursus, hodi halao tuir lei kostitusianal neebe preve tiha ona artigu 11 Kostitusaun Republika Timor Leste. Ita nia Kostitusaun rekuinese no fo valor ba sidadaun hotu-hotu, neebe luta ba ita nia libertasaun nasional, fo mos portesaun makas ba sidadaun hotu neebe fo sira nia vida hodi luta ba libertasaun nasional,” hateten PM Rui, liu husi deskursu iha tomada de pose ba KHSRR, iha Palasiu Governu, Sesta (10/07/2015).
Tuir Xefi Governu katak komisaun homenazen ba supervisaun rezistu no rekursus nee hari iha tinan 2006, hodi tau matan ba veteranus sira neebe fo aan ba luta libertasaun nasional.
Iha biban nee mos Xefi Governu hatoo agradesementu especial, ba Prezidete Komisaun Homenazen supervisaun rezistu no rekursus, nunee mos ba komisariu sira hotu, ba sira nia serbisu tomak hahu husi tinan 2006 too agora.
Iha fatin hanesan Veteranus Alin Laek hateten durante nee sira halao servisu tuir lei, nebee vigora tiha ona. Informasaun kompletu iha STL jornal no STL Web, edisaun Sabado (11/7/2015). Joao Anibal
Suara Timor Lorosae