LURO - Prezidente Republika (PR), Taur Matan Ruak hateten, vizita Prezidente ba suku iha teritoriu Timor laran tomak hodi manifesta solidariedade ba autoridade lokal, kona ba todan neebe mak autoridade lokal asumi iha suku.
PR Taur afirma tan katak, autoridade nee elementu ida, hanesan kareta karik nia mak kondutor, samea karik nia mak uluk, tanba nee iha fatin-fatin husu para hotu hamutuk, tanba nia nasaun ba rai kiak.
Hau manifesta solidariedade ba amu liurai sira, Administrador Postu sira, Administrador Munisipiu sira. Imi nia problema hau nia problema mos, imi nia problema Parlamentu nia problema mos, imi nia problema Governu nia problema mos,” dehan Prezidente Republika, Taur Matan Ruak, bainhira halao dialogu ho komunidade iha suku Kotamutu, Tersa (19/01/2016).
Prezidente Republika (PR), Taur Matan Ruak promete sei la kandidata an ba Prezidente iha eleisaun 2017. Maske nunee xefe Estadu sei sai ho orgulhu tanba bele vizita suku 442 iha teritorio Timor laran tomak.
Hau lakohi ona kandidata an ba Prezidente iha tinan oin mai. Hau sei sai iha dia 20 de Maio 2017, mas hau sai ho orgulhu, tanba laiha Prezidente ida mak sei vizita suku iha Timor laran tomak hanesan hau,” dehan PR Taur ho oin hamnasa.
Iha fatin hanesan xefe suku Cotamutu Leopoldo da Conceicao husu ba presidente Republika Taur Matan Ruak, atu kandidata aan nafatin ba Presidente Republika, tamba povu hakarak nafatin PR Taur sai nafatin PR iha nasaun ida nee. Informasaun kompletu iha STL Jornal no STL Web, edisaun Kinta (21/1/2016). Carme Ximenes
Suara Timor Lorosae