DILI – Prezidente Republika Indoneisa, Joko Widodo (Jokowi), konfirmadu ona sei too iha Timor Leste semana oin hamutuk ho ninia ekipa iha loron Tersa 26/01 dader.
Informasaun nee fo sai husi Ministru Negosiu Estranjeiru no Koperasaun (MNEC), Hernani Coelho, ba jornalista sira iha ninia servisu fatin edifisiu MNEC Pantai Kelapa (20/01).
Data vijita Prezidente da Republika Indonesia, Joko Widodo, ho nia ekipa fiksu ona sira sei too iha Dili dadersan iha dia 26 semana oin no loron ida tomak sei hamutuk ho ita maibe too agora ita mos seidauk simu lista tomak ema nain hira mak atu mai maibe tuir ita nia hare dalaruma iha 30 too 40 pesoas mak mai,” hatete Hernani.
Nia hatutan iha vijita ofisial Prezidente Republika Indonesia Joko Widodo nian neebe mak durante loron ida tomak sei halo inkontru mos ho Primeiru Ministru, Prezidente Republika, Prezidente PN nomos sei vijita Taman Makam Pahlawan Seroja nomos Sentru Kultural Indonesia.
Asuntu importante neebe mak ita sei diskute mak hanesan liu-liu iha area koperasaun siguransa no defeza, ekonomia liu-liu iha investiment, iha area fronteira hanesan martima nomos trestre. Laos nee deit sei kolia mos konaba area aviasaun nian no iha mos koperasaun justisa nian nomos seluk tan.
Iha fatin ketak tuir observador politika, Abrao Coreia, iha ninia ninia estudu fatin hatete ho vijita ofisial Prezidente Republika Indonesia nian nee sei lori benefisiu ba pais rua nee hodi bele rejolve problema balu neebe mak iha. Informasaun kompletu iha STL Jornal no STL Web, edisaun Kinta (21/1/2016). Thomas Sanches
Suara Timor Lorosae