Prezensa eis Primeiru Ministru aktual Ministru Planeamentu estratejiku, Kayarala Xanana Gusmao iha Tribunal hodi fo sasin ba kazu Calisto Gonzaga nebe tribunal alega nia tamba deporta kurir Narkotika nain lima ba ninia nasaun orijin latuir prosedementu legais.
Deklarasaun Xanana nian ba tribunal bele dehan lori anin fresku ba Calistro Gongaza tamba Xanana Gusmão asumi responsabilidade tomak ba kazu nee iha kualidade nudar Primeiru Ministru, Ministru Defesa no Seguransa hodi fo orientasaun ba Komandate Operasaun PNTL, Calisto Gonzaga haruka entrega kurir nakrokltika nain lima nee ba BNN indonesia.
Baseia ba deklarasaun nebe Xanana hatoo ba tribunal, ba asepetu legal ka apetu lei bele akontese troka arguido, Calisto Gonzaga bele sai fali testamunha, Xanana Gusmão bele sai fali arguido tamba Xanana abertamente deklara nia mak haruka Calistro Gonzaga entrega kurir nain lima ba BNN – Indonesia.
Husi oklu lei nian bele akontese maibe Xanana Gusmão laos sidadaun simplis, Primeiru Ministru no Ministru Defesa Seguransa iha tempo neba, ne’ebe nudar chefe governu responsabilidade atu asegura no estabilidade pais nian.
Agora kestaun mak, tribunal fiar deit ona deklarasaun Xanana Gusmão nian ka presiza provas seluk atu bele justifika katak iha duni orientasaun Primeiru Ministru no Ministru Defesa Seguransa iha tempo neba.
“Deklarasaun sasin eis PM Xanana atual Ministru Planeamentu no Investimentu Estratejiku (MPIE) ba kazu Calisto nian ne’e, la’os provas uniku, maibe sei iha tan provas seluk,” Duarte Tilman.
Nunee mos lia fuan hanesan husi Prokurador Jeral da Republika nebe husu ordem eskrita “Ita bo’ot haree ordem ruma pur eskrita iha ne’eba, se’e ordem ruma la eskrita iha ne’eba, hau lakohi diskuti kestaun tekniku liu, los ka lae. Politika buat ne’ebe mak difrente ho serbisu profesionais ninian, investigasaun ne’e presiza provas,” Jose Ximenes.
Los duni, tribunal la julga deklarasaun verbal maibe tenki provas eskrita, tan nee se ordem eskrita iha diak ba Gonzaga se lae, tribunal bele anula hotu deklarasaun sira nee basei deit ba provas eskrita.
Ne’ebe iha tempo neba Xanana Gusmão fo ordem eskrita hodi deporta kuriri nain lima nee diak maibe se laiha ordem eskrita maka laiha, alegasaun kontra Calisto Gonzaga nee bele kontinua. Maske iha hela prosesu julgamentu laran maibe deputado sira apoia Xanana Gusmão ba deportasaun nee tamba Timor Leste iha kooperasaun diak ho Indonesia hodi kombate droga iha Timor Leste.
“Ema sira ne’e tenke fo fila fali ba Indonesia para sira prosesa iha ne’eba hodi buka kaer jaringan ninia hun to’o hotu para ita bele hamate kedas, …” Arão.
Agora provas hotu iha nebe indika involvimentu Xanana Gusmão nee tribunal berani julga Maun Boot nee ka lae?tamba desizaun nebe toma nee mos ba seguransa no estabilidade pais nee nian, laos ba intrese pessoal.
Ne’ebe Calistro mos labele kontenti lai, prosesu investigasaun ba kazu nee sei lao, se ordem nee mai laho eskrita bele Calistro Gonzaga kontinua ho alegasaun nebe iha, tamba deklrasaun Xanana nian nee laos provas uniku. (*)
Jornal Nacional, editorial