Ministerio Interior komesa identifika ona be’e mos iha Munisipiu Lautem, Viquque, Oecusse, Atauro, Same, Ermera no Munispiu seluk tan be’e mos komesa maran.
“Bele dehan, iha Janeiro ita iha ona Munisipiu 10, signifika katak, Janeiro to fulan Marso, afeta maka’as maka Lospalos, Viquque, Oecusse, Atauro Same, Ermera, be’e posu sira ne’e sei maran,”esplika Longuinhos Monteiro ba Jornalista iha Palacio Governu Kuarta (13/11).
Relasiona ho elnino ne’e, autoridade nasional protesaun sivil hosi Ministerio Interior halao ona enkontru ba dala tolu alargadu ho ministerio sira, no ho enkontru ne’e relata mos ba iha Konselhu Ministru dala rua kona-ba impaktu elnino ba Timor.
“Atu alerta mos ba ita nia komunidade katak, elnino ne’e lori ona impaktu deste kedas fulan Novembro 2015, bailoron naruk ho privizaun ida bele dehan 90% ninia akurasi ne’e bo’ot, afeta hosi Amerika Central, Amerika do sul Pasifiku, Asian nian kona oituan to Timor Leste, signifika katak, bailoron naruk ne’e komesa tiha ona iha Fulan Novembro 2015 sei remata iha fulan Novembru tinan 2016,”dehan Longuinhos Monteiro.
Ba problema nee, Governu konsilida ona planu de apoiu emerjensia para depois halo perfurasaun be’e mos iha Munisipiu 8 hanesan Lautem, Viquque, Oecusse, Atauro, Same, Ermera no Munispiu seluk para depois Polisia ho autoridade lokal bele halo fornesementu be’e ba komunidade ne’ebe maka presia be’e.
Hosi Ministerio Agrikultura mos prepara ona fini depois bele fo apoiu ba komunidade agrikultura sira atu oinsa bele iha sustentabildade ne’ebe maka bele sustenta aihan komunidade. Nune’e mos Ministerio Comersiu Industria Ambiente (MCIA) fo ona dadus levantamentu ba autoridade nasional protesaun sivil.
“Ita iha stok fos para atu garante sustentabildiade atu fahe ba ita nia komunidade ne’ebe maka presiza iha Munisipiu hotu,”tenik Longuinhos Monteiro.
Autoridade nasional ho autoridade lokal ho Polisia Nasional Timor Leste (PNTL) no Bombeiros sei halo levantamentu dadus detalhus ba komundiade hirak maka afeta.
“Ita foin maka iha Janeiro 2016, ninia bailoron maka’as be’e posu barak sei menus, ita identifika ona Munisipiu 8 positvu, inklui Dili laran mos komesa menus, portantu fulan Marsu tinan 2016 sei iha difikuldade oituan ba be’e mos,”tenik Longuinhos Monteiro.
Maibe Longuinhos Monteiro dehan, iha planu apoiu emerjensia ida hosi Ministerio Interior liu hosi nia autoridade nasional maka sei halo kordenasaun ho ministerio sira para fasilita apoiu ba komunidade ne’ebe maka presiza impkatu duni ba elnino ninian.
“Governu konsidera seriu i sei iha atendementu aproperriadu ba kestaun elnino durante tinan tomak 2016 ne’e nian,”haklaken Longuinhos Monteiro. Avi
Jornal Nacional