DILI - Atu komemora tinan 500 Timor Leste defini estatutu liu husi evanzelijasaun neebe tama iha Lifau Oecusse, Primeiru Ministru Rui Maria de Araujo no Prezidente Republika Taur Matan Ruak diskuti konvidade espesial neebe sei partisipa iha seremonia nee.
Hafoin Hasoru malu ho Prezidente Republika Taur Matan Ruak, Primeiru Ministru Rui Maria de Araujo, hatete objetivu hasoru malu ho Prezidente Republika hodi informa servisu governu ninian no mos koalia kona ba komemorasaun tinan 500 Timor Leste define ninia estatutu.
Ami koalia barak liu kona ba tinan 500 komemorasaun evanzelisaun no Prezidente Republika hatoo ona konvite ba Xefi Estadu CPLP sira nian, Governadores sira iha Australia no mos Nova Zelandia atu partisipa,” dehan PM Rui ba Jornalista Kinta (09/07/2015) iha Palasiu Prezidensial Nicolao Lobato.
Nia hatete governu mos sei konvida Nasaun CPLP, Australia, Nova Zelandia, Indonesi, Malaysia no nasaun sira neebe mak vizinu ho Timor Leste, atu nunee sira bele partisipa iha komemorasaun tinan 500.
Iha parte seluk Prezidente Republika Tuar Matan Ruak wainhira halao vizita iha Grupu Artezaun Marmer suku Uma Kaduak, Postu Administrativu Laclo Munsipiu Manatuto nia parte sei konvida xefi estadu sira atu partisipa iha seremonia tinan 500 neebe Timor Leste define ninian estatutu rasik. Informasaun kompletu iha STL jornal no STL Web, edisaun Sesta (10/7/2015). Timotio Gusmao
Suara Timor Lorosae