Banku Aziátiku Investimentu iha Infraestrutura (BAII), ne’ebé horisehik hahú operasaun formalmente, sei impulsiona finansiamentu iha rejiaun no halo "sai justa liu tan" governasaun ekonómika mundiál, hatete Prezidente xinés, Xi Jinping.
"BAII sei impulsiona ho efikás investimentu sira hodi dezenvolve infraestruturas iha Ázia no sei kontribui hodi orienta rekurssu sira, liu-liu kapitál privadu sira ba projetu hirak ne’e", tenik Xi Jinping, iha abertura hosi serimónia ne’ebé horisehik hahú hala’o atividade banku nian iha Pekin, primeira instituisaun finanseira internasionál ne’ebé propoin hosi Xina.
Xi Jinping promete "apoiu maka’as" hosi Pekin ba BAII, ne’ebé Estados Unidos da América (EUA) haree hanesan reasaun hosi Xina ne’ebé konsidera domíniu norte-amerikanu no europeu iha orden finanseira internasionál.
BAII sei finansia projetu infraestrutura sira iha Ázia no iha nasaun 14 hosi Uniaun Europeia entre nasaun fundadór 57, inklui Alemaña, Fransa no Reinu Unidu.
Portugál mós halo parte iha iha grupu ne’e, ho partisipasaun besik dólar millaun 13, no Brazil hanesan maiór asionista númeru sia.
EUA no Japaun lakohi tama iha BAII.
Maski iha karáter multilaterál – nasaun 57 mak halo parte, entre sira ne’e 14 hosi Uniaun Europeia – sede hosi instituisaun ne’e iha Pekin no Xina mak asionista maioritáriu, ho 29,78% hosi kapitál.
"BAII pertense ba nia membru sira", subliña horisehik Xi Jinping, no destaka esforsu fundadór sira hotu nian hodi "asegura atu sai instituisaun ne’ebé iha padraun aas iha aspetu hotu".
Entidade foun ne’e "reprezenta tebes ba reforma hosi sistema governasaun ekonómiku mundiál (...) no sei kontribui hodi sai justu liu tan, ekilibradu no efikás", hatete Prezidente Xina nian.
SAPO TL ho Lusa
Xi Jinping promete "apoiu maka’as" hosi Pekin ba BAII, ne’ebé Estados Unidos da América (EUA) haree hanesan reasaun hosi Xina ne’ebé konsidera domíniu norte-amerikanu no europeu iha orden finanseira internasionál.
BAII sei finansia projetu infraestrutura sira iha Ázia no iha nasaun 14 hosi Uniaun Europeia entre nasaun fundadór 57, inklui Alemaña, Fransa no Reinu Unidu.
Portugál mós halo parte iha iha grupu ne’e, ho partisipasaun besik dólar millaun 13, no Brazil hanesan maiór asionista númeru sia.
EUA no Japaun lakohi tama iha BAII.
Maski iha karáter multilaterál – nasaun 57 mak halo parte, entre sira ne’e 14 hosi Uniaun Europeia – sede hosi instituisaun ne’e iha Pekin no Xina mak asionista maioritáriu, ho 29,78% hosi kapitál.
"BAII pertense ba nia membru sira", subliña horisehik Xi Jinping, no destaka esforsu fundadór sira hotu nian hodi "asegura atu sai instituisaun ne’ebé iha padraun aas iha aspetu hotu".
Entidade foun ne’e "reprezenta tebes ba reforma hosi sistema governasaun ekonómiku mundiál (...) no sei kontribui hodi sai justu liu tan, ekilibradu no efikás", hatete Prezidente Xina nian.
SAPO TL ho Lusa