Prezidente Tribunál Konstitusionál (TC) portugés realsa horisehik kona-ba relasaun entre Portugál ho Timor-Leste, no hanoin hikas katak "la’ós baibain" mak nasaun kolonizadu selebra amizade tinan 500 ho antigu kolonizadór.
Joaquim Sousa Ribeiro ko’alia ba jornalista sira hafoin simu hosi Prezidente Repúblika, Aníbal cavaco Silva, iha audénsia hodi halo "relatu" kona-ba nia partisipasaun, hanesan reprezentante hosi Estadu portugés, iha serimónia sira ne’ebé iha loron 27 novembru 2015 komemora tinan 500 prezensa portugeza iha Timor-Leste no tinan 40 independénsia nasaun nian.
"Sente gratu tebes haree relasaun entre nasaun rua ne’e, tanba labaibain mak kolonizadu komemora ho kolonizadór. Serimónia ne’ebé monu tebes ba laran no iha signifikadu boot", afirma Sousa Ribeiro, ne’ebé tuir ierarkia hanesan kuarta figura iha Estadu portugés.
Iha loron 27 novembru 2015, Timor-Leste selebra tinan 40 independénsia nasaun nian, iha tinan 1975, ne’ebé impede hosi okupasaun indonézia iha tinan tuir mai.
Iha tinan 1999, hafoin referendu iha autodeterminasaun mak patrosina hosi Nasoins Unidas, Indonézia hatete "loos" hosi eleitór timoroan sira no permite atu kria kondisaun ba restaurasaun independénsia, ne’ebé hala’o iha loron 20 maiu 2002, halo Timor-Leste sai primeiru Estadu soberanu foun iha sékulu XXI.
SAPO TL ho Lusa