Tulun tan migrante 4.000 iha Canal da Sicília, iha Mediterráneu, durante findesemana natál nian iha operasaun oinoin mak hala’o hosi Mariña militár no guarda kosteira italiana sira, haktuir autoridade lokál sira horisehik.
Entre loron-sesta no domingu, "ema 3.000 resin hetan tulun iha operasaun 28", refere komandante-jerál guarda kosteira italiana nian, almirante Vincenzo Melone, iha komunikadu ida.
Horisehik dadeer, grupu ida seluk ho migrante 931 ato’o iha portu Palermo nian (Sicília, súl Itália nian) ho ró merkante norueguês ida.
Grupu migrante sira ne’e – mane 841, feto 64 no ki’ik-oan 26 – hetan tulun iha loron hirak ikus ne’e hosi embarkasaun Mariña militár italiana nian iha kosta líbia nian, iha ámbitu operasaun ne’ebé kordena hosi ajénsia europeia kontrolu ba fronteira Frontex, indika komunikasaun sosiál italiana.
Migrante hirak ne’e maioritariamente mai hosi Áfrika subsaariana, maibé eziste mós marrokinu, tunizinu no ejípsiu sira.
Iha grupu ne’e mós iha alegadu trafikante na’in tolu, identifikadu beibeik hanesan "passadores", ne’ebé detidu hosi polísia italiana. Suspeitu sira mai hosi Gabaun no Somália.
Migrante rihun 320 resin to’o iha kosta italiana nian iha tinan rua ikus ne’e.
Migrante millaun ida to’o iha Europa horikedas janeiru, ho maioria liuhosi Mediterráneu (972.000), iha momentu ne’ebá hanesan maiór migratóriu horikedas egunda Guerra Mundial, fó sai Organizasaun Internasionál ba Migrasaun (OIM) no Altu Komisariadu Nasoin Unidas nian ba Refujiadu sira (ACNUR).
Iha tinan 2014, migrante 219.000 resin mak atravesa Mediterráneu.
Iha altura ne’ebá mós, OIM informa katak ema 3.692 mate ka konsidera hanesan lakon iha tasi Mediterráneu durante tinan ne’ebá.
SAPO TL ho Lusa
Horisehik dadeer, grupu ida seluk ho migrante 931 ato’o iha portu Palermo nian (Sicília, súl Itália nian) ho ró merkante norueguês ida.
Grupu migrante sira ne’e – mane 841, feto 64 no ki’ik-oan 26 – hetan tulun iha loron hirak ikus ne’e hosi embarkasaun Mariña militár italiana nian iha kosta líbia nian, iha ámbitu operasaun ne’ebé kordena hosi ajénsia europeia kontrolu ba fronteira Frontex, indika komunikasaun sosiál italiana.
Migrante hirak ne’e maioritariamente mai hosi Áfrika subsaariana, maibé eziste mós marrokinu, tunizinu no ejípsiu sira.
Iha grupu ne’e mós iha alegadu trafikante na’in tolu, identifikadu beibeik hanesan "passadores", ne’ebé detidu hosi polísia italiana. Suspeitu sira mai hosi Gabaun no Somália.
Migrante rihun 320 resin to’o iha kosta italiana nian iha tinan rua ikus ne’e.
Migrante millaun ida to’o iha Europa horikedas janeiru, ho maioria liuhosi Mediterráneu (972.000), iha momentu ne’ebá hanesan maiór migratóriu horikedas egunda Guerra Mundial, fó sai Organizasaun Internasionál ba Migrasaun (OIM) no Altu Komisariadu Nasoin Unidas nian ba Refujiadu sira (ACNUR).
Iha tinan 2014, migrante 219.000 resin mak atravesa Mediterráneu.
Iha altura ne’ebá mós, OIM informa katak ema 3.692 mate ka konsidera hanesan lakon iha tasi Mediterráneu durante tinan ne’ebá.
SAPO TL ho Lusa