Kaer mane na’in rua, inklui indivídu hosi minoria musulmana uigur nian ida iha Indonézia tanba alegadamente envolve iha planu hodi halo atentadu iha Jakarta iha Tinan Foun, informa horisehik polísia nasaun nian.
Polísia detein indonéziu ida, naran Arif Hodayatullah, besik iha kapitál tanba lori kareta ida sein matríkula no deskobre livru barak ho instrusaun hodi halo bomba iha veíkulu laran, tuir dokumentu ne’ebé AFP hetan asesu.
Unidade antiterrorizmu ida realiza razia iha Java, Iha ne’ebé detein uigur na’in ida, identifika hanesan Alli, no prende kolete ida ba esplozivu no materiál sira hodi prodús bomba.
"Ami deskobre planu (fatin iha ne’ebé atu hala’o atake ba), maibé ami deskobre de’it ida, presiza kontinua halo investigasaun", tenik portavós polísia nian, Anton Charliyan iha loron-kinta kalan.
Iha loron-segunda polísia iha Java detein suspeitu na’in lima hosi sélula ida mak iha ligasaun ho grupu radikál Estadu Izlámiku, no na’in haat seluk iha ligasaun ho rede Jemaah Islamiyah, ne’ebé hanesan responsável ba maioria hosi atake sira iha Indonézia.
Nasaun destaka tan militár no polísia 150.000 resin durante períodu Natál no Tinan Foun no reforsa seguransa iha aeroportu sira fahoin ameasa ida ne’ebé dirije ba aeroportu ne’ebé serve Jakarta.
SAPO TL ho Lusa
Unidade antiterrorizmu ida realiza razia iha Java, Iha ne’ebé detein uigur na’in ida, identifika hanesan Alli, no prende kolete ida ba esplozivu no materiál sira hodi prodús bomba.
"Ami deskobre planu (fatin iha ne’ebé atu hala’o atake ba), maibé ami deskobre de’it ida, presiza kontinua halo investigasaun", tenik portavós polísia nian, Anton Charliyan iha loron-kinta kalan.
Iha loron-segunda polísia iha Java detein suspeitu na’in lima hosi sélula ida mak iha ligasaun ho grupu radikál Estadu Izlámiku, no na’in haat seluk iha ligasaun ho rede Jemaah Islamiyah, ne’ebé hanesan responsável ba maioria hosi atake sira iha Indonézia.
Nasaun destaka tan militár no polísia 150.000 resin durante períodu Natál no Tinan Foun no reforsa seguransa iha aeroportu sira fahoin ameasa ida ne’ebé dirije ba aeroportu ne’ebé serve Jakarta.
SAPO TL ho Lusa