Grupu radikál Estadu Islámika hakarak habelar kalifadu iha Indonézia, hanesan alerta ba Austrália hafoin ka’er ona ema hirak ne’ebé hanesan “jihadista” tanba deskunfia sira maka sei halo planu ba atentadu durante selebrasaun iha fin tinan ne’e.
Prokuradór-jerál Austrália, George Brandis, hateten katak Estadu Islámika (EI) hakarak atu harii “kalifadu distante ida” iha Indonézia, hafoin horisehik halo reuniaun iha Jakarta hamutuk ho reprezentante governu nomós seguransa indonézia nian.
Tuir prokuradór jerál, autoridade indonézia nian “ladúvida” kona-ba intensaun hosi Estadu Islámika nian iha rai-laran ne’ebé hakarak kria “kalifadu provinsiál” ho ligasaun ba Médio Oriente.
“EI hakarak tebes atu aumenta sira-ninia prezensa nomós atividade iha Indonézia, diretamente ka liu hosi substitutu”, tenik Brandis iha entrevista ida ne’ebé fó sai hosi The Australian. Brandis fó sai lia hirak ne’e hafoin hala’o operasaun antiterorista tanba simu informasaun hosi Estadus Unidus, Austrália no Singapura, tuir polísia indonézia hateten.
Tuir portavos polísia, Anton Charliyan horisehik hateten katak ema na’in sia ne’ebé ka’er durante operasaun ne’ebé hala’o findesemana ne’e iha illa java, kria ona planu atu halo atake hasoru membru governu, forsa seguransa nomós minoria xiita iha rai laran.
SAPO TL ho Lusa - Foto: @ogoday
Prokuradór-jerál Austrália, George Brandis, hateten katak Estadu Islámika (EI) hakarak atu harii “kalifadu distante ida” iha Indonézia, hafoin horisehik halo reuniaun iha Jakarta hamutuk ho reprezentante governu nomós seguransa indonézia nian.
Tuir prokuradór jerál, autoridade indonézia nian “ladúvida” kona-ba intensaun hosi Estadu Islámika nian iha rai-laran ne’ebé hakarak kria “kalifadu provinsiál” ho ligasaun ba Médio Oriente.
“EI hakarak tebes atu aumenta sira-ninia prezensa nomós atividade iha Indonézia, diretamente ka liu hosi substitutu”, tenik Brandis iha entrevista ida ne’ebé fó sai hosi The Australian. Brandis fó sai lia hirak ne’e hafoin hala’o operasaun antiterorista tanba simu informasaun hosi Estadus Unidus, Austrália no Singapura, tuir polísia indonézia hateten.
Tuir portavos polísia, Anton Charliyan horisehik hateten katak ema na’in sia ne’ebé ka’er durante operasaun ne’ebé hala’o findesemana ne’e iha illa java, kria ona planu atu halo atake hasoru membru governu, forsa seguransa nomós minoria xiita iha rai laran.
SAPO TL ho Lusa - Foto: @ogoday