Konsellu Seguransa ONU nian aprova ona iha loron-kinta, ho unanimidade, rezolusaun ida ne'ebé hakarak afeta organizasaun "jihadista" Estadu Islámiku (EI) hodi halo maran sira nia fonte finansiamentu.
Rezolusaun, téstu tékniku ida ho pájina 28 dezenvolve hosi Washington no Moskovo, aponta diretamentu ba EI no destina hodi hametin serku ba dolár millaun resin ne'ebé grupu estremista ne'ebé koñesidu mós ho naran árabe Daesh hasai hosi tráfiku oioin ne'ebé halo iha teritóriu sira ne'ebé nia kontrola iha Síria no Irake.
Testu husu ba nasaun 15 hosi Konsellu hodi "halo atuasaun ho dalan enérjiku no desizivu hodi ko'a fundu sira no rekursu ekonómiku sira" hosi EI, inklui kontrabandu hosi petróleu no sasán antigu sira, no hodi fó kastigu "maka'as" ba apoiante finanseiru sira hosi grupu ne'e.
Nasaun sira hetan dezafiu hodi klasifika finansiamentu hosi terorizmu hanesan "krimi todan ida iha sira nia lejislasaun internu sira", maski iha auzénsia hosi relasaun ruma ho hahalok terorista espesífiku sira, no aumenta troka informasaun sira kona-bá tema ne'e, inkluzivu entre governu sira no setór privadu.
"Testu ne'e komplementa medida antes sira no hametin instrumentu sira ne'ebé iha ona", afirma hosi sekretáriu Tezouro norte-amerikanu nian, Jacob Lew, ne'ebé prezidi sesaun ne'e.
Ba governante, rezolusaun hanesan "hakat importante ida", maski "teste loloos sei iha asaun ho dalan desizivu hodi bele implementa", no ne'e presiza "koperasaun klean ida ho parseiru privadu sira".
SAPO TL ho Lusa – Foto: EPA@ Jason Szenes