DILI – Sistema Free Balance neebe governu kria la fasilita Timor oan sira atu aprende tamba nee reprezentante povu husu atu halo auditoria ba sistema neebe kria husi Ministeriu Finansas.
Tuir Deputada Bankada Fretilin Florentina Smith husu Parlamentu Nasional atu halo auditorio ba sistema free balance neebe mak governu kria liu husi Ministeriu Finansas.
Informasaun neebe ami hetan mos katak sistema free balance seidauk fasilita ou fo dalan ba ita nia maluk Timor sira bele aprende,” dehan deputada Florentina liu husi Sesaun Plenaria durante Debate Espesialidade Orsamentu Jeral Estadu 2016 iha PN.
Nia kestiona katak too iha nebe ona kadarizasaun ba rekursus humanus Timor oan, sira mos bele tama iha sistema, tan nee tenke konsidera sira nia kapasidade, nia husu Ministeriu Finansas diresaun jeral estatistika sai diresaun ida ne’ebe mak independente.
Iha fatin hanesan Deputada Virginia Belo hatete Ministeriu Presiza fo mos Auditoria ba iha Alfandega, tamba iha neeba fatin neebe make ma balun sai riku matak ou kaya mendadak.
Hatan preokupasaun nee, Ministra Finansas, Santina Cardoso, hateten sistema free balance intermus user Timor oan mos uja, maibe sistema nee rasik normalmente kompania sira dezena hanesan parte ida neebe mak sira nian rasik. Informasaun kompletu iha STL Jornal no STL Web, edisaun Sesta (18/12/2015). Timotio Gusmao
Suara Timor Lorosae