DILI - Sestu Governu Konstitusional preve iha proposta Orsamentu Jeral Estadu (OJE) 2016 ho Montante Millaun 146.437, hodi selu veteranus no mos millaun 4 aloka ba iha Pensaun Vitalisia.
Tuir Vice Prezidente Parlamentu Nasional (PN) Aderito Hugo da Costa katak 2016 numeru pagamentu konklui ba ida nee prozesaun mos hanoin katak iha 2016, iha verifikasaun ba dadus sira nee hotu no mos kalkulasaun ba despeza.
Ba tinan ida nee verva orsamentu pagamentu ba benifisiariu sira husi veteranus kombatentes ninian mak 146,437 ida nee ba sira neebe benifisiariu ho mos sira foun neebe mak sira nia dokumentus verifikasaun remata hotu ona komisaun homenazen,” dehan Hugo ba Jornalista Kinta (17/12/2015) iha PN.
Nia hatete orsamentu ba Izodos tama iha orsamentu Ministeriu Solidaridade nian tamba nee politika ba Idozus no invalidus inkliu inkapasidade, bolsu da mae nafatin politika ida neebe mak governu sentral halo.
Iha fatin hanesan Prezidente Komisaun F neebe trata asuntu Saude, Edukasaun, Veteranus no Igualdade Generu Virgilio Hornai hatete kada tinan iha verva alokasaun orsamentu hodi fo pensaun ba veteranus sira. Informasaun kompletu iha STL Jornal no STL Web, edisaun Sesta (18/12/2015). Timotio Gusmao
Suara Timor Lorosae