DILI - Deskonfia membru operasaun konjunta nebe tiru mate povu iha Postu Administrasaun Baguia, Munisipiu Baucau, komandu oras dezarma membru seksaun 2 hodi tuir prosesu investigasaun atu kumpri krime nebe sira komete.
Tuir Vice Xefi Estadu Maior Falintil Forsa Forsa Defeza Timor Leste (F-FDTL), Brigadeiro General Filomeno Paixao hafoin hasoru malu ho Prezidente Republika Taur Matan Ruak hatete kazu nee hetan ona Investigasaun husi Institusaun F-FDTL rasik, Polisia Investigasaun no mos Ministeriu Publiku.
Ba kazu nee ami dezarmadu sira (Membru Operasaun Konjunta) hamutuk seksaun rua hodi tuir Prosesu Investigasaun,” dehan Filomeno ba Jornalista Kuarta (08/07/2015) iha Palasiu Prezidensial Nicolao Lobato.
Nia hatete bazea ba informasaun nebe mak iha, imbuskada ida neebe mata dalan nee haruka fila enkuandu nia fila tama fali ba iha dala inbuskada seluk, maibe hein prosesu investigasaun nebe mak lao hodi hatene lolos.
Iha parte seluk Prokurador Jeral Republika Jose Ximenes katak Ministeriu Publiku autoriza tiha ona atu halo autosia ba mate isin neebe husu hein rejultadu no prosesu Investigasuan mak sei hatene kauza husi kazu Luis Ramos ninia mate. Informasaun kompletu iha STL jornal no STL Web, edisaun Kinta (9/7/2015). Timotio Gusmao
Suara Timor Lorosae