Korea International Cooperation Agency (KOICA) ho World Food Programe (WFP), Sesta (11/12/2015), asina akordu ho fundus USD 3.6 Millaun.
Objetivu husi asina akordu ne’ atu Koica fo apoia fundus ba WFP hodi hala’o programa iha Munisipiu 6 kodi kombate malnutrrisaun. Asina akordu fundus entre KOICA ho WFP ne’e hala’o iha Hotel Ramelau Aimutin Dili.
Diretor ba World Food Programe (WFP) Stephen Kearney afirma, KOICA fo apoiu US$ 3.6 Milloens durante tinan rua hahu husi 2015 to’o 2016 ba programa saude no nutrisaun ba inan no oan ne’ebe implementa hamutuk ho Ministeriu Saude no WFP iha Nunisipiu 6 tuir targetu ba benefesiariu sira mak inan isin rua no inan fo susu bebe ne;ebe hetan diagnosa ho sofre malnutrisaun agudu moderadu (MAM) ou isin krekas.
Fundus ne’e sei aloka ba Munsipiu 6 hanesan Dili, Ainaro, Oecusse,Bobonaro, Covalima ho Ermera ne’ebe sei halo programa ba populasaun sira bele akompania liu tan konaba malnutrisaun.
“Ami kontente loos atu simu apoiu husi KOICA tamba labarik no feto sira iha Timor- Leste hetan taxa aat ba sira nia malnutrisaun, karik malnutrisaun ne’e bele afeita ba futuru ba komunidade hotu iha timor- leste tamba labarik ne’ebe sofre malnutrisaun ne’ebe lahetan tratamentu , hasoru problema hanesan ladun iha kapasidade atu aprende iha eskola ou hetan saude ladun diak durante sira nia vida “ dehan Stephen Kearney ba Jornalista sira iha fatin Hotel Ramelau Aimutin Dili, hafoin asina akordu refere.
Nune’e Stephen Kearney esplika, World Food programe (WFP) hanesan organizasaun internasional ne’ebe servisu maka’as hodi hamenus malnutrisaun.
“ Ida ne’e hanesan permeira ves asinatura fudus entre KOICA ho WFP iha Timor -Leste , fundus asinatura ne’e ho total hamutuk US$ 3.6 Milloens. Fundus ne’e sei uza ba Governasaun nina hodi hamenus malnutrisaun,”subliña nia.
Stephen dehan, labarik barak iha Timor- Leste tinan 5 ba kraik sofre isin krekas 11% , no inan isin rua no inan fo susu ho taxa malnutrisaun ho todan menus, ho taxa pursentu Kuaze 25 % ba Timor –Leste.
Entretantu Diretor KOICA Timor- Leste, Kang hyeong Cheol haktuir, Feto ida husi ema nain 4 iha Timor- Leste hetan malnutrisaun wanhira 11% husi labarik ho tinan 5 mai kraik sofre husi malnutrisaun.
“Timor- Leste hanesan nasaun ida ne’ebe ke iha problema saude barak ne’ebe presiza atu dezenvolve hanesan gestaun tubercolucu nian nomos wanhira hahoris konaba nutrisaun inan no oan no seluk tan,”dehan nia.
Kang hyeong Cheol hatutan, Koica servisu konsistensia tebes konaba saude iha Timor- Leste liu husi hasae kapasidade konaba diagnozia Tubercoluzia nomos gestaun iha timor- leste konaba seguru wanhira partus nomos konaba programa hahoris nian iha Municipiu Ainaro no KOICA no WFP nia programa nutrisaun inan no oan.
“Liu husi akordu fundus entre KOICA no WFP ohin nia hau espera fornese nutrisaun no saude ba inan isin rua nomos ba labarik sira ne’ebe mak foin moris ne’ebe hau kontente halo relasaun kooperasaun ida ne’e hamutuk ho WFP liu husi projeitu importante ida ne’e nomos hau promete atu hala’o nafatin koperasaun ida ne’e ho Ministeriu Ssaude mos konaba problema saude iha tmor-leste no ba oin tan “ katak Kang hyeong.car
Jornal Nacional