DILI – Restu mortais hamutuk 126 oras nee rai hela iha Kintal Boot, no sei lori ba Watulari-Vique-que iha loron Kuarta semana nee.
Tuir Padre Parokia Balide, Adriano Ximenes, iha ninia homilia liu husi misa ba matebian nain 126 neebe mak halao iha Kintal Boot, Segunda (14/12) hatete saudozu nain 126 nee mate tanba deit hakarak ukun rasik an.
Sira balu mate tanba ema tiru no balu mate tanba ema kastigu iha rai Atauro no sira neebe mak mate no terus tanba deit iha prisipu ida maka ukun rasik an maibe iha luta nia laran maske ita amigo maibe iha mos hanoin neebe mak la hanesan no ikus mai sai oho malu fali,” hatete Pe. Adriano.
Nia hatutan saudozu sira neebe mak luta no mate ba rai ida nee laiha hanoin no intrese atu hetan osan iha sira nia luta, maibe sira nia mate tanba deit atu liberta rai no povu ida nee.
Iha fatin hanesan Reprejentante Komisaun Organijadora ba rekolha restu mortais, Bernadino de Carvalho, hatete inisiativia rekolha restu mortais hamutuk 126 nee mai hosi veteranus watulari inklui familia matebian sira.
Nunee mos ho reprejentante Familia matebian hotu, Evaristo de Carvalho, momentu iha funu nia laran iha barak mak mate balu mate tanba hamlaha no balu mate tanba ema oho no kastigu iha fatin-fatin tanba nee hanesan familia laiha ejijensia id aba estadu konaba maun alin neebe mak mate ona. Informasaun kompletu iha STL jornal no STL Web, edisaun Tersa, (15/12/2015). Thomas Sanches
Suara Timor Lorosae