DILI – Ministeriu Agrikultura no Peskas (MAP) oras nee perparadu ona atu hasoru problema hodi fo tulun povu tomak iha tempo bailoron naruk neebe mak akontese dadauk.
Deklarasaun nee fo sai hosi Ministru Agrikultura no Peskas (MAP), Estanislao da Silva, liu husi debate Orsamentu Jeral Estadu tinan 2016 neebe mak halao iha uma fukun Parlamentu Nasional (PN) Kinta (3/12).
MAP preparadu ona hanesan prepara fini hodi hasoru bailoro neebe mak naruk tanba iha tinan ida nee udan sei mai, maibe mai para-mai para ou la bot ida tanba nee ami mos prepara hotu ona dadus hodi hare problema nee karik akontese mosu problema neebe mak ita la hakarak,” dehan Estanislao.
Ministru Agrikultura no Peskas nee mos hatuta oras nee MAP mos preparadu ona atu halo modernijasaun ba agrikultura laos deit liu hosi fahe traktor, maibe prepara rekursu humanu tanba oras nee MAP mos haruka ona ninia tekniku sira hamutuk 20 ba tuir terinamentu iha Israel hodi aprende agrikultura modern.
Iha fatin hanesan Ministru Interior, Longuinhos Monteiro, mos hateten autoridade nasional protesaun sivil Ministeriu Interior asumi mos responsabilidade atu kordena jestaun ekivalensia estadu ninian, para bele fo resposta emergensia karik mosu El Nino ou bailoro naruk. Informasaun kompletu iha STL Jornal no STL Web, edisaun Sabado (5/12/2015). Thomas Sanches
Suara Timor Lorosae