DILI - Presidenti Komisaun F (PN), asuntu Edukasaun no Saude Virgilio Hornai hatete, Ministeiru Edukasaun foti desizaun atu rezolve problema, laos implika fali problema, tamba prosesores nebe lahetene lingua Portugues nee laos sira nia kulpa.
Nia hatete, aban bain rua tenke intredus politika foun, atu oinsa maka balu neebe idade maior nee bele reforma, ida neebe labele ba professor ba tau hanesan funsinariu iha eskola sira nee.
Se durante numeru profesores seidauk to ita labele halo desizaun ida nee, agora ita halo desizaun ida ke tenke atu rezolbe problema, maibee laos implika fali problema ida nee mak hau hanoin Ministeiru tenke hare, agora otomatikamente laos sira nia kulpa mos katak, sira ba volontariamente hanorin depois ikus mai sai professor,” dehan deputadu Virgilio, ba STL, iha PN, Dili, Sesta (04/12/2015).
Deputadu Virgilio hatete, Lei baziku Edukasaun nee lingua de ensinu mak lingua Portugues ho lingua tetun, neebe uja ba prosesu apredizasem, kualker ensinu hotu hotu, maibe dehan iha fleksebilidade atu redus lian materna iha prosesu apredisazem, tamba labarik sira iha area rural barak ke kolia tetun ladiak,sa tan Portugues.
Iha fatin hanesan membru komisaun F, Antonio Cerpa hatete, agora professor barak, laos sira nia profisaun, mais tamba servisu nee mak sira hodi ba hanorin, Ministeiru Edukasaun atu hasai tenke estuda dididak, atu hare fatin ruma bele koloka sira professor sira neebe lahatene Portugues. Informasaun kompletu iha STL Jornal no STL Web, edisaun Sabado (5/12/2015). Carme Ximenes
Suara Timor Lorosae