DILI - Hasae rekursu konaba Suai Supplay Base ba Tribunal Camara de Kontas, nee kompetensia governu, tamba tuir lei, maibe tribunal la justifika ba governu.
Tuir Jurista Manuel Tilman katak kontrolu finanseiru nee, maka sei presiza antes gasta osan ho kuantidade boot tenki hetan uluk vistu (verifikasaun). Vistu preve nee diferente antes atu gasta, tribunal verifika uluk tiha lai dokumentu neebe autoriza, signifika katak governu maka dezenvolve estudu biabelidade no kontrolu buat hotu, maibe tenki ba lai Tribunal hodi fo vistu.
Agora laos Tribunal de Kontas tenki justifika ba governu, nee lalos ida, lolos nee tribunal de Kontas, dehan katak ida nee sala falta dokumentus ida, supinion ba provisaun no kompetensia provisaun nee husi Supply base, nee liga ho Ministeru Obras Publika ka Ministeru Rekursu Minarais, tamba prozetu Supply Base nee lia ho aero portu, trasporte, obraspublika no komunikasaun, koandu kahur tuat sira nee hotu, tenki keta-ketan e depois kompetensia organika,” hateten Tilman, ba STL iha nia kanar fatin, Pantai Kelapa, Dili, Kuarta (25/11/2015).
Tamba nee tenki hare governu autoriza investimentu Millaun 700 resin, dokumentus nee iha neebe, laos tamba hili kompania nee folin tun, Tribunal de Kontas la hare ba ida nee. Depois dokumentus se maka halo, Ministeriu ida emiti dokumentus nee iha kompetensia atu halo previzaun ka lae, Ministeru Minarai nia iha nia lei organika, nia superintende buat nee ka lae.
Iha parte seluk Diretur Ezekutivu Luta Hamutuk Mericio Akara hateten governu husu klarifikasaun ba Tribunal de Kontas, konaba rekusu neebe Governu hasae, nee Tribunal de Kontas iha dever atu resposta ho formal. Informasaun kompletu iha STL Jornal no STL Web, edisaun Kinta (26/11/2015). Joao Anibal
Suara Timor Lorosae