Timor-Leste sei iha dalan naruk ida hodi hadi'a nia governasaun, tanba estrutura Estadu nian hanesan nurak, sei presiza hadi'a nia administrasaun públika no mekanizmu sira kontrolu nian, haktuir hosi espesialista sira.
"Iha kazu governasaun nian, dalan sei naruk, ne'e tanba estrutura Estadu timoroan nian hanesan nurak no sei presiza hadi'a, liuliu iha mekanizmu sira kontrolu hosi nia administrasaun públiku, ne'ebé hanesan elementu prinsipál sira hodi hetan funsionamentu ne'ebé efetivu", hatete hosi investigadora Naiara Alves, hosi Observatóriu hosi Nasaun sira Lian Ofisiál Portugeza nian, ba Lusa iha loron-kuarta ne'e.
Timor-Leste nia independénsia rekoñesidu de'it hosi komunidade internasionál iha tinan 2002, hafoin kolonizasaun portugeza, hosi domíniu indonéziu (entre 1975 - 1999) no hosi governu ida tranzisaun hosi ONU nian (1999 - 2002).
Iha loron 28 Novembru 1975, Frente Revolucionária do Timor-Leste Independente (Fretilin) deklara ona independénsia, interompe lalais ho invazaun indonéziu iha loron 07 Dezembru 1975.
Tuir Naiara Alves, "iha diagnóstiku ida ladún optimismu, karik hanesan optimista liu" kona-bá kestaun hosi administrasaun públiku nian iha Timor-Leste.
"Iha Marsu 2015, akontese ona semináriu ida ba fiskalizasaun lejislativu hosi siklu orsamentál no kontrolu externu hosi despeza públiku sira iha PALOP (Nasaun Afrikanu sira ho Lian Ofisiál Portugés) no Timor-Leste" iha Cabo Verde, refere ona hosi investigadora.
Tuir Naiara Alves, jestór hosi "projetu Reforsu hosi Kapasidade Funsionál sira no Tékniku sira hosi Tribunál Konta nian, Parlamentu Nasionál sira no Organizasaun sira hosi Sosiedade Sivil hosi PALOP no Timor-Leste ba Kontrolu Externu Finansa Públiku sira nian" hatudu di'ak ida iha administrasaun públiku la'ós de'it iha nasaun afrikanu luzófonu sira maibé mós iha Timor-Leste.
Projetu ne'ebé kaer hosi Ricardo Gomes hanesan finansiadu hosi Uniaun Europeiu (UE), ho osan euro millaun 6,4, no administradu hosi Programa ONU nian ba Dezenvolvimentu (UNDP), ba períudu tinan tolu, hodi hametin kapasidade instituisaun sira nian no mós ema nian.
"Tuir jestór, iha aumentu di'ak iha mekanizmu sira governansa nian hanesan transparénsia orsamentál, justifikasaun ba gastu públiku nian, no liuliu kontrolu externu independente hosi finansa públiku, iha tribunál sira konta nian, iha parlamentu sira ka iha asaun hamutuk hosi entidade rua ne'e", hatete hosi investigadora.
Tuir kordenadora adjuntu OPLOP nian, sentru ne'ebé ligadu ba Universidade Federál Rurál iha Rio de Janeiru (UFRRJ), "iha buat barak maka tenki hadi'a no pontu importante ida maka relasaun ba prosesu báziku sira hosi mákina burokrátiku, hanesan ezemplu prosesu hosi rejistu empreza sira nian ne'ebé susar tebes".
"Iha fraku ida relasionadu ho instituisaun públiku sira iha Timor-Leste. Maibé bainhira ita analiza tempu independénsia nian no esperiénsia ne'ebé iha, ita bele hatete katak sira la'o daudaun, maski neineik, ba dalan di'ak hosi instituisaun sira ne'e", hatete hosi investigadór seluk ida hosi OPLOP, Luís Carlos Alves de Melo.
Tuir investigadór, timoroan sira "sei presiza nafatin apoiu hosi komunidade internasionál iha área hotu-hotu, iha justisa, saúde, administrasaun, no sira seluk".
Naiara Alves refere mós katak presiza hanoin katak prosesu konstrusaun hosi Estadu Timor-Leste nian hahú ho governu ida tranzisaun hosi ONU nian iha 1999, hafoin referendu ba independénsia hosi Indonézia iha tinan hanesan, no buat hotu ne'ebé liuhosi okupasaun Indonézia nian no tranzisaun reflete iha situasaun atuál nasaun nian.
Nasaun iha hela ajuda internasionál maka'as, liuliu koperasaun multilaterál sira no bilaterál sira (hanesan Portugal ho Brazil, iha área sira edukasaun /lian portugeza, saúde, justisa ho área sira seluk).
"Sitasaun ekonómiku nasaun nian hanesan obstákulu ida hodi hametin prosesu demokrasia nian, tanba asaun ruma presiza osan no ekonomia timoroan depende liu ba petróleu. Presu baril hosi petróleu hahú tuun no impaktu iha ekonomia sira ne'ebé depende ba pridutu ne'e maka'as tebes", hatete hosi Naiara Alves.
Tuir kordenador OPLOP, "frakeza ekonómiku ne'e prejudika prosesu hodi hadi'a mákina Estadu nian. Bainhira orsamentu boot, folin investimentu sei ki'ik iha ajenda sira aproximasaun demokrasia nian no ba reforma hosi administrasaun públiku nian".
"Primeiru-ministru Timor-Leste nian, Rui Araújo, deklara ona katak laiha posibilidade kontinua moris depende ba produtu ida de'it, iha kazu ne'e maka petróleu, tenki dezenvolve dalan seluk hodi hetan osan", hatutan hosi Alvel de Melo.
Investigadór na'in rua hosi OPLOP refere katak iha pontu seluk ne'ebé prejudika dezenvolvimentu pozitivu ida hosi administrasaun públiku hanesan ezemplu korupsaun.
SAPO TL ho Lusa - Foto ne'ebé fó hosi António Casais ba SAPO Timor-Leste