DILI – Too oras nee seiduak iha autoridade judisiariu ida husi Korea mak foti desijaun ida katak Hyundai labele halo obra, tanba nee governu kontinua fo fiar ba kompania Hyundai kaer projeitu tasi mane.
Deklarasaun nee fo sai hosi Primeiru Ministru (PM), Rui Maria de Araujo, ba jornalista sira liu hosi pres konfres neebe mak halo iha Palacio Governu, Segunda (16/11).
Buat neebe mak governu hatete seidauk iha autoridade judisial ida iha Korea mak foti desizaun dehan Hunday labele halo obras no kontrato. Governu liu hosi prosesu halo check and richeck inklui mos ekipa komisaun ansional aprovizionamentu hamutuk ho ekipa Timor Gap ninian ba vijita Korea no kolia ho autoridade Korea hodi hare rasik ho matan obra sira neebe mak kompania nee halo,” dehan PM Rui.
Nia hatutan iha obra barak mak kompania Hyundai halo ona iha Korea neebe mak hanesan ho ida neebe mak atu halo iha Timor Leste, tanba nee ho baze neebe mak iha Konsellu Ministru deside hodi fo projeitu no kontratu ba Hyundai.
Iha fatin ketak tuir Ministru Petroliu Rekursu Minerasis, Alfredo Pires, katak kona ba mega projetu tasi mane entre emprezas Hyundai, prosesu aprovizionamentu hatudu Hyundai ba projetu suplay base. Informasaun kompletu iha STL Jornal no STL Web, edisaun Kuarta (18/11/2015). Thomas Sanches
Suara Timor Lorosae