Tuir relatoriu trimestral ne’ebe fo sai husi Banco Central de Timor Leste (BCTL) hatudu katak, balansu orsamentu fundu minarai husi $16.86 bilioens iha trimestre anterior tun ba $16.44 bilioens.
“Trimestre ne’ebe termina iha 30 Setembro 2015, iha trimestre ida ne’e hatudu katak, ita nia fundu nia balansu husi $16.86 bilioens iha trimestre anterior tun ba $16.44 bilioens iha trimestre ida ne’e,”esplika Diretor Exekutivu Jestaun Fundu Petroliferu BCTL, Venancio Alves Maria, Sesta (06/11) iha sala enkontru BCTL Akait Dili.
Nia dehan, ho rezultadu ne’e hatudu katak, reseitas ne’ebe maka Timor Leste simu $218.29 milloens kompostu husi kontribuinte sira102.17 milloens no pagamentu royalty 116.12 milloens.
“Husi trimestre ida ne’e ita nia merkadu ne’ebe maka ladun diak, ita nia fundu nia valor ne’e ladun negativu $450.94 milloens . Jurus ho kupon interese sira ne’e ita simu $78.63 milloens, mudansa iha merkadu monu maka’as, $431.78 milloens no movimentu cambiais $92.51 milloens, ninia merkadu rasik monu, iha nia polio retornu trismeter ne’e 2.61% kompara ho ninia benchmark monu 2.70%,” dehan tan Venancio Alves Maria.
Osan liquid ne’ebe maka sai durante trimestre ida ne’e 198.1 miloins kompostu husi 193.50 transfere ba osan Estadu no 4.5 no miliaun 4.51 kobre jestaun nian. Ida ne’e maka pontu importante trimestre ida ne’e.
Venancio akesenta katak, kauza husi fundu ne’e negative, iha pontu hira maka hanesan tuir mai ne’e, primeiru global growth kresimentu, krisimentu global ne’e tun I bola tirade iha merkadu Xineza maka’as. Mos ema nia duvidas kona-ba global growth, liu-liu emergent market merkadu não dezenvolvidu sira ne’ebe kontribui maka’as ba global growth tinan sira ikus ne’e.
“Agora investidor sira komesa kestiona, lidera husi Brazil ho Rusia ne’ebe maka monu maka’as. Por ezemplu MSIA husi Brazil monu 33.6% no Xina ninian MSIA monu 22.7%. no MSIA market rasik monu 17.9%. Tanba ne’e maka duvida global grout ne’e komesa tun. Ne’e lidere afeita husi Xina parese hotu-hotu akompanha, Xina ninia aktu iha Agostu sira desvaloriza tiha sira nia Yuan afeta investidor sira nia espetativa,”dehan nia.
Segunda parte iha trimestre ida ne’e , hahú fulan Julio la serteza ba Euro area nudar problema Gresia ne’ebe maka tun ne’eba Gresia atu sai ka la sai. Mesmu ida ne’e rezolvidu ona. Gresia la sai husi zona Euro ninian.
Terseiru maka US Dolar kontinua forsa, halo apresia hasoru Cambiais hanesan osan sira seluk, ne’e afeta mos hanesan inflasaun global ne’ebe maka tun la sae para bele dudu produsaun. Mos la iha tasa juru iha Amerika mesmu investor barak maka espera katak, enkontru iha Setembro liu ba bele hasae tasa de juru maibe ne’e ses husi investor sira ninia espetativa. Iha ona indikasaun katak, bele mos iha posibilidade sae ka lae mas seidauk serteza.
Ikus liu maka nia dehan, hot-hotu hatene presu mina tun, tanba ne’e maka halo investor sira duvida hodi afeta merkadu monu iha trimestre ida ne’e.
“Ita la iha ema ida bele halo projesaun ejatu ba merkadu mai, bele kontinua hanesan ne’e ou bele diak liu fali ita la hatene,”tenik Venancio Alves Maria. Avi
Jornal Nacional