DILI – Too oras nee dadaun governu Australia kontinua ulun toos no taka dalan atu halo negosiasaun fronteira maritima ho governu Timor Leste.
Tuir Ministru Neosiu Estranjeiru no Koperasaun (MNEK), Hernani Coelho, ba jornalista sira iha Palacio Governu Tersa (26/10) depois remata reuniaun Konselho Ministru hateten posisaun TL la hanesan ho Australia.
Ita respeita sira (Asutralia) nia posisaun maibe ita nia posisaun seluk ida nee mak dehan katak ita persija halo negosiasaun ho Australiaagora se ita nia posisaun hanesan entaun ita la persija halo negosiasaun maibee nee normal tanba rai ida-ida iha ninia politika rasik hanesan Australia no ita TL mos iha posisaun ketak ida, tanba nee solusaun ida diak liu nee ita adere ba mekanismu internasional ida nee mak ita nia prinsipu” dehan Hernani.
Nia hatutan konaba kazu CMATS ors nee dadaun prosesu hela iha tribunal arbritrajen tanba rai hotu-hotu iha ninia direitu ba juridisaun iha lalehan, rai maran nomos tasi neebe mak hotu-hotu tenke kumpri tanba nee TL hanesan nasaun soberania ida persija mos iha ninia fronteira tanba nee oras nee dadaun TL kontinua atu halo diskusaun ho Australia konaba tasi Timor hanesan mos ho Indonesia.
Iha fatin ketak tuir Peskizador Organijasaun Non Governmental Lao Hamutuk, Juvinal Dias, antes nee mos hatete katak nia konsidera karakte governu Australianu nian hanesan kanten tanba lakohi atu halo negosiasun ho TL. Informasaun kompletu iha STL Jornal no STL Web, edisaun Kuarta, (28/10/2015). Thomas Sanches
Suara Timor Lorosae