DILI – Primeiru Ministru (PM), Rui Maria de Araujo, husu ba funsionariu Diresaun Nasional Rejistu Notariadu (DNRN), atu halo atendementu ba publiku ho professional laos ho sabraut.
Deklarasaun nee fo sai hosi Primeiru Ministru, Rui Maria de Araujo, wainhira halo vijita supreja ba edifisiu Diresaun Nasional Rejistu Notariadu (DNRN).
Halo atendementu ba publiku tenke ho didiak no professional laos ho sabraut hanesan nee tanba nee tenke rejolve problema neebe mak iha,” dehan PM Rui Maria de Araujoho lia siak ou hirus ba funsionariu no Diretora sira iha Ministru Justisa Ivo Valente nia oin.
Nia hatutan ho vijita supreja ida nee atu hare besik liu tan servisu Diresaun Nasional Rejistu Notariadu (DNRN) durante nee lao oinsa. Iha vijita supreja nee tur nia iha servisu balu mak lao diak ona maibe iha balu mak seidauk lao ho diak tanba iha prosidimentu balu neebe mak lolos nee la persija atu halo todan demais.
Iha fatin hanesan Diretora Nasional Dos Registu Notariadu, Maria do Rosario Fatima Castro Araujo, mos hatete los duni iha servisu balu mak lao seidauk los durante nee tanba nee sei hadia iha futuru. Informasaun kompletu iha STL jornal no STL Web, edisaun Tersa, (20/10/2015). Thomas Sanches
Suara Timor Lorosae