DILI – Kazu osan falsu neebe PNTL hetan iha Jogu Kasino ilegal no fan feto tama ona iha tribunal, hodi halo prosesu primeiru interogatoriu.
Sidadaun estranjeriu Xina ho naran inisial YGH neebe kaptura husi Polisia-SIK nian tanba deskonfia lidera Kacino Online illegal. I SIK mos foti evidensia balun hanesan osan besik rihun 10 neebe deskonfia iha osan balun neebe fals. Tuir orario tribunal ohin (Red-Kinta) tama ona ba iha prosesu primeiru interogatorio iha Tribunal Distrital Dili.
Tuir advogadu privadu Arlindo Sanches neebe fo asistensia ba arguidu YGH ka Koah hanesan nain ba jogu nee hatete, kazu nee tuir orario ohin tribunal halo primeiru interogatoriu ba kazu nee. Osan neebe polisia hetan laos
Iha parte dader laiha audensia primeiru interogatoriu maibe so iha parte loraik deit. Arguidu nee Polisia kaptura iha loron 13 fulan nee tuku 7 kalan. Nunee mos kazu fan feto neebe involve suspeitu ho naran inisial OM (tinan 19) ho vitima ED (tinan 20) neebe polisia kaptura iha loron hanesan iha tuku 11:00 meudia. Neebe tribunal mos sei halo audensia primeiru interogatoriu ba kazu nee iha parte loraik.
Antes nee Komadante Investigasaun Kriminal SIK Superentudente Ludgerio Lay hatete, ohin Tersa oras 11:00 meudia, SIK kaptura tan feto Timor oan ida, neebe faan labarik feto ran ida ho naran inisial ED (tinan 20) ba funsionariu Publiku balun ho montante osan 3000 dolar, tamba nee SIK kaptura hodi lori mai halo prosesu. Informasaun kompletu iha STL Jornal no STL Web, edisaun Sesta (16/10/2015). Domingas Gomes
Suara Timor Lorosae