Forsa Armada prevee atu rekruta efetivu 600 resin, hodi ba hamutuk ho operasionál atuál besik 3.000 ne’ebé fahe ba komponente tolu, iha fatin ramu aéreu tradisionál, terrestre no navál.
Informasaun ne’e tranzmite ba Lusa hosi Xefe Estadu-Maiór Forsa Armada timoroan, koronél Falur Rate Laek, iha rohan hosi 17.º enkontru saúde militár Komunidade Nasaun Lia-Portugés (CPLP) nian, ne’ebé hala’o to’o ohin iha Luanda.
"Agora ami iha efetivu 3.000 no autoriza atu ami iha to’o 3.600", hatete ofisiál ne’e, no esklarese katak la prevee atu kria ramu tradisonál Forsa Armada iha Timor-Leste.
"Ami sei la iha ramu sira, la iha nesesidade. Ami hanesan nasaun kiik, povu kiik, ami sei iha uniformizasaun forsa sira-nian", nia hatete.
Forsa armada timoroan sira, sira ne’ebé joven liu hosi nasaun sira ne’ebé halo parte iha CPLP - esplika ofisiál ne’e -, sei mantein komponente navál, forsa aérea, terrestre, apoiu no servisu, no formasaun no treinu.
"Ami-nia nesesidade maiór mak meiu. Ami iha faze konstrusaun [Forsa Armada], ami-nia problema mak rekursu no pesoál", subliña koronél Falur Rate Laek, no destaka koperasaun ho Portugál, Estadus Unidus Amérika no Austrália iha prosesu ne’e.
"Nasaun CPLP sira seluk mós sei ajuda", nia hakotu.
Iha enkontru iha Luanda, ne’ebé hahú horisehik, partisipa hosi delegasaun militár Angola, Portugál, Brazil, Timor-Leste, Giné-Bisau, Giné Ekuatoriál, Kabuverde, Saun Tomé no Prínsipe no Mosambike.
Aprezenta atu kria forsa konjunta saúde militár, entre forsa armada nasaun sira CPLP nian, hodi intervein, liu-liu iha senáriu katástrofe nian.
SAPO TL ho Lusa
"Agora ami iha efetivu 3.000 no autoriza atu ami iha to’o 3.600", hatete ofisiál ne’e, no esklarese katak la prevee atu kria ramu tradisonál Forsa Armada iha Timor-Leste.
"Ami sei la iha ramu sira, la iha nesesidade. Ami hanesan nasaun kiik, povu kiik, ami sei iha uniformizasaun forsa sira-nian", nia hatete.
Forsa armada timoroan sira, sira ne’ebé joven liu hosi nasaun sira ne’ebé halo parte iha CPLP - esplika ofisiál ne’e -, sei mantein komponente navál, forsa aérea, terrestre, apoiu no servisu, no formasaun no treinu.
"Ami-nia nesesidade maiór mak meiu. Ami iha faze konstrusaun [Forsa Armada], ami-nia problema mak rekursu no pesoál", subliña koronél Falur Rate Laek, no destaka koperasaun ho Portugál, Estadus Unidus Amérika no Austrália iha prosesu ne’e.
"Nasaun CPLP sira seluk mós sei ajuda", nia hakotu.
Iha enkontru iha Luanda, ne’ebé hahú horisehik, partisipa hosi delegasaun militár Angola, Portugál, Brazil, Timor-Leste, Giné-Bisau, Giné Ekuatoriál, Kabuverde, Saun Tomé no Prínsipe no Mosambike.
Aprezenta atu kria forsa konjunta saúde militár, entre forsa armada nasaun sira CPLP nian, hodi intervein, liu-liu iha senáriu katástrofe nian.
SAPO TL ho Lusa