DILI - Servisu investigasaun Kriminal (SIK), simu ona Karta hosi Tribunal Munisipiu Baucau, neebe fo ona mandadu kapturasaun ba Cornelio Gama Alias L7, atu ba responde nia problema pasadu.
Tuir Komandante SIK Superentidente Ludgerio Lay katak, SIK simu ona karta Koppy ida hosi Tribunal Munispiu Baucau, konaba mandadu kapturasaun ba L7, no too oras nee SIK seidauk hetan L7 tamba nia sei halao atvidade balun hanesan funeral ba nia alin, neebe tenke liu hosi adat.
Ami mos hatoo ona relatoriu ba Tribunal katak too agora ami seidauk hetan Senhor L7, maibe ami nafatin halo eproxima hodi buka tuir L7, no ami fira katak L7 ema ida neebe maka kumpri duni Lei ho Orden, tan nee SIK nafatin halo aprovimasaun tuir mandadu Tribunal nian,” dehan Komadante SIK Ludgerio ba Jornalista, Segunda (12/10/2015) iha nia knaar fatin Kuartel Jeral PNTL.
Nia informa liu tan katak, SIK pronto atu halo aproximasaun hodi buka tuir L7 tuir mandatu hosi Ministeriu Publik, no L7 ema ida neebe maka kumpri karik duni Lei ho orden karik halo aproximasaun neebe diak ba nia maka nia sei kumpri tebes.
Iha fatin hanesan Segundu Komandante Jeral PNTL Komisariu Faustino da Costa hateten konaba kazu nee, nia rasik seidauk simu informasaun hosi SIK. Informasaun kompletu iha STL jornal no STL Web, edisaun Tersa (13/10/2015). Madalena Horta
Suara Timor Lorosae