DILI - Sestu governu konstitusional liu husi Ministeriu Justisa duni povu uma kain 18 iha aldeia 20 Setembru suku Comoro, Postu Administrativu Dom Alexo obrigatoriu sein iha koinesementu husi lider komonitaria no indimizasaun.
Ba preokupasaun nee Prezidente Republika Taur Matan Ruak hatete hasai sidadaun obrigatoriu tenki liu husi dialogu no komonikasaun ho sidadaun sira, husu atu fo indimizasaun ba populasuan sira.
Hau hatene no senti kuandu ita uma laiha, tamba uluk hau muda tun sae, tan nee prezidente preokupa no apelu ba governu halo favor kontaktu ho sidadaun sira hodi apoiu sira atu hetan fatin,” dehan Taur hodi hatan preokupasaun Sosiadade Sivil, Tersa (29/09/2015) durante enkontru.
Iha fatin hanesan Xefi Aldeia 20 Setembru Marcelino Vaz hatete nia parte senti triste tamba husi diresaun teras propriedade no Ministeriu Publiku laiha karta notifikasaun, maibe derepente deit sobu povu nia uma iha loron 25 Setembru 2015.
Nunee mos Diretur FONGTIL Arsenio Perreira hatete asaun nebe mak iha Prezidente foti kedas hodi haruka ninia asesor atu fo atensaun, hodi foti dadus laos kontra dezemvolvimentu maibe fo kompensasaun ba povu. Informasaun kompletu iha STL Jornal no STL Web, edisaun Kuarta (30/9/2015). Timotio Gusmao
Suara Timor Lorosae