Timor-Leste sei tama iha grupu nasaun sanulu ne’ebé sei lidera implementasaun Ajenda 2030 Dezenvolvimentu Sustentável, haktuir komunikadu governu nian.
Primeiru-ministru, Rui Maria de Araújo, " hamutuk ho líder na’in ualu seluk hodi lansa inisiativa polítika apoiu ba implementasaun ajenda nian", refere komunikadu ne’e, no adianta katak "hamutuk ho prezidente no primeiru-ministru sira hosi Brazil, Kolómbia, Alemaña, Libéria, Áfrika Súl, Suésia, Tanzánia no Tunízia" sei iha empeñamentu absolutu ida.
Rui Maria de Araújo afirma katak misaun grupu nian mak "garante atu la tau ema ida ba kotuk", garante atu grupu Altu Nível ne’e kona-ba Implementasaun Objetivu Dezenvolvimentu Sustentável "sei servisu ho forma ativa iha fulan hirak tuir mai, atu bele fó apoiu ba nia implementasaun".
Primeiru-ministru hatete mós ba nia omólogu sira no konvidadu sira seluk katak "agora ne’e presiza kompromisu konkretu no sustentável, iha nível hotu, durante vijénsia ajenda nian".
Timor-Leste hanesan nasaun aziátiku úniku iha grupu no sei servisu ho membru CPLP ida seluk, Brazil.
Komunikadu ne’e indika katak Timor-Leste "dezempeña bebeik papel importante iha elaborasaun ajenda foun, liu-liu iha objetivu 16, ho objetivu atu "promove sosiedade pasífika no inkluziva ba dezenvolvimentu sustentável, proporsiona asesu ba justisa ba hothotu no harii instituisaun efikás, responsável no inkluziva, iha nível hotu".
Iha loron-sesta, dirijente mundiál barak halibur malu iha simeira iha ONU, Nova Iorque, adota planu dezenvolvimentu sustentável ambisiozu ida ba tinan 15 oin mai ho folin euro biliaun iha kada tinan.
Planu ne’e define objetivu dezenvolvimentu sustentável 17 mak atu atinje to’o tinan 2030, entre sira ne’e halakon kiak, ema hotu hetan asesu ba edukasaun no saúde, promosaun igualdade feto no kombate akesimentu globál.
Sekretáriu-jerál Nasoins Unidas nian, Ban Ki-moon, simu aprovasaun ajenda globál dezenvolvimentu foun no afirma katak to’o iha "momentu desizivu iha istória umanidade nian".
"Populasaun mundiál husu mai ita atu perspetiva futuru promesa no oportunidade ida. Estadu membru sira responde ho Ajenda 2030 ba dezenvolvimentu sustentável", tenik Ban iha intervensaun ida iha governante mundiál sira-nia oin ne’ebé ohin aprova medida sira ne’ebé substitui Objetivu Miléniu nian.
SAPO TL ho Lusa
Rui Maria de Araújo afirma katak misaun grupu nian mak "garante atu la tau ema ida ba kotuk", garante atu grupu Altu Nível ne’e kona-ba Implementasaun Objetivu Dezenvolvimentu Sustentável "sei servisu ho forma ativa iha fulan hirak tuir mai, atu bele fó apoiu ba nia implementasaun".
Primeiru-ministru hatete mós ba nia omólogu sira no konvidadu sira seluk katak "agora ne’e presiza kompromisu konkretu no sustentável, iha nível hotu, durante vijénsia ajenda nian".
Timor-Leste hanesan nasaun aziátiku úniku iha grupu no sei servisu ho membru CPLP ida seluk, Brazil.
Komunikadu ne’e indika katak Timor-Leste "dezempeña bebeik papel importante iha elaborasaun ajenda foun, liu-liu iha objetivu 16, ho objetivu atu "promove sosiedade pasífika no inkluziva ba dezenvolvimentu sustentável, proporsiona asesu ba justisa ba hothotu no harii instituisaun efikás, responsável no inkluziva, iha nível hotu".
Iha loron-sesta, dirijente mundiál barak halibur malu iha simeira iha ONU, Nova Iorque, adota planu dezenvolvimentu sustentável ambisiozu ida ba tinan 15 oin mai ho folin euro biliaun iha kada tinan.
Planu ne’e define objetivu dezenvolvimentu sustentável 17 mak atu atinje to’o tinan 2030, entre sira ne’e halakon kiak, ema hotu hetan asesu ba edukasaun no saúde, promosaun igualdade feto no kombate akesimentu globál.
Sekretáriu-jerál Nasoins Unidas nian, Ban Ki-moon, simu aprovasaun ajenda globál dezenvolvimentu foun no afirma katak to’o iha "momentu desizivu iha istória umanidade nian".
"Populasaun mundiál husu mai ita atu perspetiva futuru promesa no oportunidade ida. Estadu membru sira responde ho Ajenda 2030 ba dezenvolvimentu sustentável", tenik Ban iha intervensaun ida iha governante mundiál sira-nia oin ne’ebé ohin aprova medida sira ne’ebé substitui Objetivu Miléniu nian.
SAPO TL ho Lusa