Sekretariu Estado Ba Apoiu No Promosaun Sosiu Ekonomika Ba Feto (SEAPSEF),enkoraja feto Falintil Forsa Defesa Timor Leste (F-FDTL) hodi koalia implementasaun politika abordajen integradu jéneru no partisipasaun feto F-FDTL iha nivel foti desizaun iha forsa nia laran.
Vise Chefe Estado Maior F-FDTL Brigadeiru Filomeno Paixão, husu ba mane sira ne’ebe mak hola feto Falintil Forsa Defesa Timor Leste (F-FDTL) katak, tenki fo apoiu ba sira nia servisu sai diak liutan, tamba iha instituisaun F-FDTL nia laran kuaze feto no mane hanesan tamba haruka ba fatin ruma bele la’o ohin kedas.
Vise Chefe Estado Maior F-FDTL Brigadeiru Filomeno Paixão,hatete bebeik ba F-FDTL sira katak, hahú husi Brigadeiru sira nain rua hola fen rua de’it hanesan ida F-FDTL,no ida seluk mak original ne’e.Tamba nia Brigadeiru (Filomeno Paixão red) lakohi simu karta ida iha nia meza husi nia kargu durante ne’e.
Nia promete katak,wanhira nia simu karta kazu konaba mane F-FDTL ida mak halo problema konaba hola feto 2 no 3 sei duni sai husi F-FDTL, tamba oinsa feto sira mos sai lider ida ne’ebe sa’e to’o ba iha hola desizasaun, wanhira hetan mal tratadu.
“Hau hatete bebeik ba feto no mane ne’ebe mak hala’o kna’ar iha instituisaun F-FDTL katak hau sei iha Vise Chefe Estado Maior F-FDTL Brigadeiru hau lakohi simu kazu problema ema hola feto 2 no 3 mak akontese ema ruma hodi karta mai iha hau nia maze hau sei la tolera no atitude mal tratadu ne’e” hatete Vise Chefe Estado Maior F-FDTL Brigadeiru Filomeno Paixão,ba Jornalista sira iha edifisiu Ministeriu Defeza Fatuhada, Sesta (18/9). Vise Chefe Estado Maior F-FDTL Brigadeiru Filomeno Paixão, dehan wanhira laen la fo atensaun defisil feto nunka atu sai ba lideransa, tamba tuir Brigadeiru ne’e nia hakarak feto F-FDTL mos sei lidera hodi fo importansia nu’udar ema umana.
Tuir Vise Chefe Estado Maior F-FDTL Brigadeiru Filomeno Paixão,nia hare ba F-FDTL sira ne’ebe ho pankat soldadu barak mak iha feto rua no tolu,maibe nia dehan kedas ferik keta lori surat mai iha ninia meza ,wanhira tama ba ninia meza F-FDTl ne’ebe mak hola feto 2 to’o 3 tama kedas alkatraun.
“Iha solsadu barak mak hola feto 2 to’o 3 maibe hau dehan mak ne’e ferik keta lori surat mai iha hau nia meza mak ferik lori surat lori mai iha hau nia meza mak o tama kedas alkatraun ba halimar nune’e ita la’o la los” Vise Chefe Estado Maior F-FDTL Brigadeiru Filomeno Paixão,dehan kedas ba F-FDTL sira iha salaun Ministeriu Defeza Fatuhada.
Iha fatin hanesan Sekretariu Estado Ba Apoiu No Promosaun Sosiu Ekonomika Ba Feto (SEAPSEF) Venderanda Lemos, husu ba feto F-FDTL sira atu labele tauk forsa mane sira ,maibe husu tenki kompete ho sira ,tamba F-FDTL feto sira nia prezensa iha Instituisaun F-FDTL importante tebes.Tamba instituisaun la’o mai husi imi hotu nia kontribuisaun.
Sekretariu Estado Ba Apoiu No Promosaun Sosiu Ekonomika Ba Feto (SEAPSEF) Venderanda Lemos, husu ba Ministeriu ida ne’ebe relevante atu bele hare baze importante ba feto no mos deviza ba atu ba halo promosaun atu nune’e bele sai hanesan mos ho mane sira.tos
Jornal Nacional