DILI - Sestu Governu Konstitusional too oras nee laiha evolusaun ba akordu foun hodi halo rekrutamentu juiz internasional iha seitor justisa, atu sai Asesor no Mentor ba Juiz timor oan maske oras nee juiz barak mak foun.
Tuir Prezidente Tribunal Rekursu Guilhermino da Silva katak oras nee iha Juiz Estajiariu Timor oan nain 12 mak halao knar iha Tribunal Distrital Dili, Baucau no Suai, Juiz hirak nee tuir ona formasaun no reamata estaziu nomea ona ba Juiz Definitivu.
Rekrutamentu Juiz Internasional nee tenki iha akordu foun husi governu, liu husi Ministeriu Justisa Timor Leste no ministeriu Justisa Portugal maibe too agotra ita seidauk rona ninia evelusaun ita seidauk hatene,” dehan Guilhermino ba Jornalista, Segunda (21/09/2015) iha Palasiu Prezidensial Nicolao Lobato.
Hatan konaba kazu balun nebe pendenti iha Tribunal, Guilhermino hatete kazu pendenti nee normal bele lori tinan nebe akontese mos iha nasaun barak, tamba nee laiha problema kuandu kazu pendenti iha tribunal kuandu hetan provas bele halo julgamentu.
Iha fatin ketak Deputadu Bankada CNRT Cesar Valente hatete rekrutamentu Juiz Internasional nia parte laiha komentariu barak, maibe hein governu ninia relatoriu no komisaun nebe atu ajuda hadia jestaun iha tribunal. Informasaun kompletu iha STL Jornal no STL Web, edisaun Tersa (22/9/2015). Timotio Gusmao
Suara Timor Lorosae