DILI - Ulun boot nebe kaer governu la fo atensaun ba patrimoniu estadu halo funsionariu sira uza tuir hakarak ba interese privadu, tan nee kada tinan despeza orsamentu ba bems e moveis barak liu kompara ho orsamentu sira seluk.
Bazea ba Observasaun Provedoria Diretus Humanus no Justisa (PDHJ), liu husi relatoriu tinan 2014 ninian nebe aprezenta ba Parlamentu Nasional (PN) Rekomenda atu Parlamentu bele fo atensaun ba governu, hodi hare ba patrimoniu estadu uza barak liu ba privadu.
Tuir Provedor Diretus Humanus no Justisa Silveiro Pinto Baptista rekomenda ba Parlamentu Nasional, atu fo atensaun ba governu liu-liu uza patrimoniu estadu nebe funsionariu sira uza hodi halo viazen ba distritu balun uza ba atividade privadu.
Ami remkomenda ba Parlamentu atu hare sistema balun nebe mak lao ita bele hadia liu-liu uza patrimoniu estadu balun uza ba aktividade privadu tan nee ami rekomenda ba Parmentu nasional atu fo atensaun ba governu,” dehan Silveiro liu husi Aprezentasaun Relatoriu Segunda (21/09/2015) iha PN.
Hatan ba rekomendasaun nee Deputadu Bankada Fretilin Manuel Castro hatete Rekomendasaun sira nebe mak iha los, nune husu ba governu atu kontrola sasan no hakarak halo poupansa ba orsamentu jeral estadu tenki hare ba sasan. Informasaun kompletu iha STL Jornal no STL Web, edisaun Tersa (22/9/2015). Timotio Gusmao
Suara Timor Lorosae