Governu liu husi Sekretaria Estadu Komunikasaun Sosial SEKOMS, Dezembru tinan ida ne’e, sei halo lansamentu Institute Technology (IT) hodi regula media online sira ne’ebé mak durante ne’e, públika informasaun ne’ebé lalos hodi kria konfuzaun ba públiku.
Sekretáriu Estadu Komunikasaun Sosial, Nelio Isac informa katak, durante ne’e Governu liu husi SEKOMS koali’a verbal de’it, maibé hahú agora, SEKOMS hanoin ona atu halo ida ne’e. Nelio Isac dehan, SEKOMS ho ministériu relevante halo ona diskusaun para hamosu regulamentu balun relasiona ho IT.
“IT ne’e inklui mós media online tama hotu iha laran, tanba liu husi liña internet agora ita foin mak halo estudus para atu halo diskusaun pleminari, ne’e duni sei kordena hamutuk ho Ministeriu Obras Públika Transporte i Komunikasaun, nomós autoridade nasional komunikasaun,” informa Nelio Isac ba jornalista sira iha Largo Lesidera Dili horseik.
Alende en’e, Nelio Isac mós informa katak, tinan ida ne’e nia rohan, SEKOMS sei hamosu informasaun online no update atual, ne’ebé hanesan embrio para aban bain rua sai hanesan notisia ajensia.
Nia akresenta, antes tinan ne’e remata sei hamosu ajensia notisia Timor-Leste liu husi online. Maibé seidauk funsiona hanesan ajensia notisioza ful, ajensia notisia ne’e, ninia funsionamentu hanesan embrio ida para ema hot-hotu bele asesu.
Tanba Nelio Isac dehan, notisia online ne’e, sura menutu to’o oras ida, ema bele update informasaun foun kona ba asuntus balun.
Nelio Isacc dehan, kona-ba embrio ajensia notisia refere, sira sei halo rekrutamentu ba jornalista na’in sanulu (10), Maibé rekrutamentu ida ne’e la’ós ba kualker jornalista.
“Jornalista ne’ebé iha abilidade, no professional, tanba online hirak ne’e, atu fó sai notisia ba mundu tomak,”informa Nelio Isac.cos
Jornal Nacional