DILI – Konflitu kiik oan iha rai laran kontinua akontese liu-liu iha sidade Dili laran, area Beto Timur-Comoro neebe mak halo komonidade kontinua la hakmatek iha tempo kalan.
Ho problema neebe mak mosu tuir Vise Prezidente Parlamentu Nasional, Aderito Hugo, ba STL iha Centru Convensaun Dili (CCD) husu ba Polisia Nasional Timor Leste (PNTL) tenke atua ho seriu.
Nee aktus ida neebe mak ejiji nafatin ita nia orgaun kompatente hanesan PNTL atu servisu konsistentemente tanba, nee ita konsidera problema social neebe mak involve grupus nomos sentiment anterior sira tanba nee ita hein katak PNTL kontinua mantein orden public no tenke seriu hodi halo atuasaun,” hatete Aderito.
Nia hatutan kualker se deit maka halo krime hodi perturba ordem public nian hakarak ka lakohi tenke kaptura hodi lori tribunal, tuir prosesu neebe mak iha no nia mos husu ba PNTL atu identifika problema sira neebe mak akontese atu nunee bele fo hakmatek ba povu tomak.
Iha fatin hanesan Sekretariu Estadu Joventude no Desportu, Leovigildo Hornai, hatete problema neebe mak halo hosi joventude sira nee hanesan mos kulpa SEJD nian. Informasaun kompletu iha STL Jornal no STL Web, edisaun Kinta (17/9/2015). Thomas Sanches/Lucia Ximenes
Suara Timor Lorosae