DILI - Primeiru Ministru (PM) Rui Maria de Araujo katak Timor Leste (TL) bele lori Australia ba Tribunal Internasional, konba kazu Fronteira Maritima, maibe presiza estuda didiak.
Lia hirak nee hatoo husi PM Rui, ba Jornalista sira, hafoin remata Revizaun Orsamentu Jeral Estadu ba tinan 2016, iha Ministeru Finansas, Tersa (15/09/2015).
Ita atu lori buat ida baTribunal Internasional, hodi kontinua prosesu nee, ita presiza estuda didiak, nee laos ita tuur loron ida foti kedas dezisaun nee hau hanoin lae, nee presiza estuda no hanoin didiak,” hateten PM Rui.
Konaba kazu fornteira maritime, antes nee mos lider politikus, eis Prezidente Republika Jose Ramos Jorta, Eis Primeiru Ministru Xanana Gusmao, Mari Alkatiri, eis Prezidente Parlamentu Nasional Fransisco Guterres Lu-Olo, Primeiru Ministru Rui Maria de Araujo, eis Titulares inklui Ministru Negosiu Estranjeiru Hernani Coelho, diskute ona oinsa atu rezolve fronteira maritima entreTL ho Australin nia.
Iha parte seluk Ministru Negosiu Estranjeiru Hernani Coelho hateten oras nee Governu Australia seidauk iha resposta ida posetivu ba Governu TL konaba fornteira maritima. Informasaun kompletu iha STL Jornal no STL Web, edisaun Kinta (17/9/2015). Joao Anibal
Suara Timor Lorosae