Sekretáriu Estadu Vatikanu nian sei prezide peregrinasaun internasionál aniversária fulan outubru 2016 ba Santuáriu Fátima hodi prepara papa nia vizita iha fulan maiu tinan oin mai, afirma horisehik ba ajénsia Ecclesia bispu Leiria-Fátima nian.
"Ami halo ona konvite no nia nia sei ko’alia ho papa, ne’ebé sei hatete ba nia 'ó ba loke dalan, ba hanesan prekursór'", deklara António Marto, iha Roma, Itália, iha rohan hosi vizita "ad limina", ne’ebé termina horisehik.
Tuir António Marto, kardeál Pietro Parolín, númeru daruak iha ierarkia Igreja Katólika nian, hatete katak nia nunka vizita santuáriu portugés.
"Nia hatete mai ha’u 'ha’u ba ho egoizmu, tanba dala uluk mak ha’u atu ba Fátima. Ha’u nunka ba iha ne’ebé no ha’u hakarak tebes atu koñese'", adianta bispu Dioseze Leiria-Fátima nian.
Peregrinasaun internasionál halo ona aniversáriu 12 no loron 13 maiu tinan oin mai sei prezide hosi kardeál-patriarka hosi Lisboa, Manuel Clemente, refere António Marto.
Vizita "ad limina" nian hanesan vizita ne’ebé bispu diosezanu ida-idak tenke halo ba Roma, ne’ebé jeralmente akontese tinan lima dala ida no hosi konferénsia episkopál, iha ne’ebé sei aprezenta ba papa relatóriu kona-ba estadu hosi respetiva dioseze no Igreja iha nia nasaun.
Iha enkontru bispu sira Portugál nian ho papa, iha semana ne’e, Francisco espresa hikas nia vontade atu ba Fátima.
Tuir António Marto, papa "iha tebes hakarakatu ba Fátima, iha maiu 2017".
Tinan atus ida akontesimentu iha tinan 1917 iha Cova da Iria no relevánsia Santuáriu Fátima nian mak tema ba vizita "ad limina" nian, ne’ebé hala’o iha semana ne’e, iha ne’ebé prefeitu barak hosi kongregasaun sira Vatikanu nian subliña nia importánsia, hatutan António Marto ba ajénsia Ecclesia.
Iha loron 25 abril papa Francisco konfirma ba bispu Leiria-Fátima nian katak nia hakarak ba Fátima iha 2017, bainhira komemora tinan atus ida akontesimentu iha Cova da Iria, revela dioseze portugeza.
Iha informasaun ida ne’ebé haruka ba ajénsia Lusa iha data ne’e, dioseze anunsia katak, iha audiénsia privada, iha Roma, papa Francisco konfirma ba António Marto katak, "'karik Maromak fó vida no saúde mai ha’u' ha’u hakarak ba Cova da Iria hodi selebrar tinan atus Na’in-Feto mosu iha Fátima".
"Hafoin simu konvite barak ona, ba dala uluk mak Francisco afirma loloos hakarak atu ba Fátima no autoriza fó sai nia intensaun ba públika", destaka dioseze ne’e.
SAPO TL ho Lusa
Tuir António Marto, kardeál Pietro Parolín, númeru daruak iha ierarkia Igreja Katólika nian, hatete katak nia nunka vizita santuáriu portugés.
"Nia hatete mai ha’u 'ha’u ba ho egoizmu, tanba dala uluk mak ha’u atu ba Fátima. Ha’u nunka ba iha ne’ebé no ha’u hakarak tebes atu koñese'", adianta bispu Dioseze Leiria-Fátima nian.
Peregrinasaun internasionál halo ona aniversáriu 12 no loron 13 maiu tinan oin mai sei prezide hosi kardeál-patriarka hosi Lisboa, Manuel Clemente, refere António Marto.
Vizita "ad limina" nian hanesan vizita ne’ebé bispu diosezanu ida-idak tenke halo ba Roma, ne’ebé jeralmente akontese tinan lima dala ida no hosi konferénsia episkopál, iha ne’ebé sei aprezenta ba papa relatóriu kona-ba estadu hosi respetiva dioseze no Igreja iha nia nasaun.
Iha enkontru bispu sira Portugál nian ho papa, iha semana ne’e, Francisco espresa hikas nia vontade atu ba Fátima.
Tuir António Marto, papa "iha tebes hakarakatu ba Fátima, iha maiu 2017".
Tinan atus ida akontesimentu iha tinan 1917 iha Cova da Iria no relevánsia Santuáriu Fátima nian mak tema ba vizita "ad limina" nian, ne’ebé hala’o iha semana ne’e, iha ne’ebé prefeitu barak hosi kongregasaun sira Vatikanu nian subliña nia importánsia, hatutan António Marto ba ajénsia Ecclesia.
Iha loron 25 abril papa Francisco konfirma ba bispu Leiria-Fátima nian katak nia hakarak ba Fátima iha 2017, bainhira komemora tinan atus ida akontesimentu iha Cova da Iria, revela dioseze portugeza.
Iha informasaun ida ne’ebé haruka ba ajénsia Lusa iha data ne’e, dioseze anunsia katak, iha audiénsia privada, iha Roma, papa Francisco konfirma ba António Marto katak, "'karik Maromak fó vida no saúde mai ha’u' ha’u hakarak ba Cova da Iria hodi selebrar tinan atus Na’in-Feto mosu iha Fátima".
"Hafoin simu konvite barak ona, ba dala uluk mak Francisco afirma loloos hakarak atu ba Fátima no autoriza fó sai nia intensaun ba públika", destaka dioseze ne’e.
SAPO TL ho Lusa