MANUFAHI - Grupu Agrikultur iha suku Betano, postu admisstrativu Same, munisipiu Manufahi lamenta ho programa povu kuda Governu Sosa.
Responsabel grupu agrikultur, João Mendes programa ne’ebé Governu bolu dehan povu kuda Governu sosa halo de’it konfujaun ba sira, tanba hafoin sira produs tiha batar, forekili no seluk tan maibé Governu la ba sosa.
João Mendes, hatete sira kontaktu ona ho ministeriu kompetente hodi halo planu to’o bainhira mak sosa produtu ne’e para labele fó duvidas ba grupu agrikultór.
“Produsaun barak mak ate agora ministeriu kompatente seidauk mai atu sosa, maske fulan ida liu ona,”haktuir responsabel grupu agrikultur ne’e, ba Jornalista sira, iha Betano, Tersa (08/09).
Nai hatete sira nia hanoin ministeriu komersiu industria no ambiente mak atu sosa produtu hirak ne’ebé baihira koilet ona maibé to’o agora laiha rejultadu.
Enkuantu tuir grupu Agrikultur produsaun Forekili, Agustino Brangko, katak durante ne’e sira produs Forekili no fa’an kilo ida dolar ida maibé atu ema sosa ne’e sei fó duvidas hela.
Diretór Servisu Agrikultura no Peskas munisipiu Manufahi, Mario de Araújo, afirma servisu MAP koopera ho kompañia Novu Timor inkoraja ona komanudade atu hasa’e kualidade no kuantidade produsaun hotu hanesan forekili inklui ai-han seluk ezisti iha munisipiu ne’e.
“Entaun fiar katak komunidade Agrikultur badinas ho inisiativa rasik ne’e parte ida hamosu osan rasik, agora ita halo parseru ho kompañia mai hare resultadu hodi ba oin atu bele sosa, kestaun ne’e komunidade sei komfuju tan la involve komunidade,”diretór MAP manufahi. (tin)
Timor Post