Prostituta sira livremente halo sira nia vida negosiu ho nia karater oi-oin. Balun haksumik iha negosiu salon, balun haksumik iha bar-bar no deskoteka no balun fali la’o individu ne’ebe fasilita germo sira.
Germo, ho lian Indonesia ne’ebe nia funsaun maka buka mane ou feto ne’ebe sai fontes hodi negosia hasoru malu ho feto individu ne’ebe halao atividades prostituisaun. Husi rezultadu negosiu ne’e, germo bele hetan porsentu osan ne’ebe hetan ona konkordansia antes.
Ema ne’ebe halao vida prostituisaun iha Timor Leste, la’os Timor oan deit, maibe prostituta husi estranjeirus mos nakonu ona iha fatin sira ne’ebe maka hala’o atividade subar kona-ba pratika prostituisaun.
Ho fenomena moras publiku ida ne’e, Bispo Diocese Maliana, Mgr. Norberto Amaral, husu ba orgaun kompetenti hodi bele halo lei para regula ema ou grupu sira ne’ebe maka hal;a’o atividades prostituisaun klandestina iha sikun-sikun sira iha Dili laran no munisipiu balun.
“Ita hatene katak atividades prostituisaun ne’e la diak no desde uluk kedas moris iha Timor Leste, tanba ne’e, tenke kontrola ho lei,” afirma Dom Norberto, hodi responde ba Jornalista sira iha Igreja Katedral Dili, Sesta (4/9/2015).
Ho rogulamentu ne’ebe maka kontrola atividades prostituisaun iha Timor Leste, tuir Dom Norberto, fo lisaun ba mundu katak, Timor Leste nudar sarani katoliku iha moral atu hateke ba nia an no hateke ba ema seluk nudar Sarani iha mundu ida ne’e.
“Hau nia pozisaun maka kria lei hodi regula atividades prostituisaun, maibe depende ba nai ulun sira nia hanoin,” hateten Dom Norberto Amaral.
Dom noberto fiar katak, Governu ho Parlamentu Nasional nudar mos ema kristaun Katoliku iha fuan atu regula atividades prostituisaun ne’ebe estraga Timor nia moral no lori buat ba ba familia sira iha Timor Leste. ita
Jornal Nacional