DILI - Pensaun vitalisa neebe mak aloka ba eis membru Governu, eix deputadu no eis titular sira nee hatodan orsamentu Jeral Estadu, tamba kada tinan Governu tenki hasai osan para hodi selu sira.
Direitor Ejekutivu ONG Luta Hamutuk, Mericio Akara hatete, pensaun vitalisia hatodan Orsamentu Jeral Estadu, tamba tinan-tinan tenki aloka osan ba ema sira neebe mak laservisu ona.
Pensaun vitalisa nee hatodan ita nia Orsamentu Jeral Estadu, tamba tinan tinan tenki selu deit ba ema neebe mak laservisu ona, neebe tenki revee lei nee, laos dehan atu halakon, maibee sira simu tuir normal ema pensiun simu nee, labele sira simu liu fali sira actual nee ladun justu,” dehan Mericio ba STL, iha ninia servisu fatin Farol, Dili, Segunda (07/09/2015).
Akara hatete, sira kleur ona ejjije para revee lei, nunee mos Presidente Republika koalia tenki revee, bankafa FRETILIN inklui membru Parlamentu balu koalia mos tenki revee.
Iha parte seluk Direitor Executivu Association For Law, Human Rights & Justice Manuel haktuir tan katak, Pensaun vitalisia hatodan Orsamentu Jeral Estadu, tamba ema sira neebe mak lahalo servisu, nia hader mai salariu iha ona, nia empenya deit nia knar tinan 3 hetan ona pensaun vitalisia. Informasaun kompletu iha STL Jornal no STL Web, edisaun Tersa (8/9/2015). Carme Ximenes
Suara Timor Lorosae